पद्मश्री पुरस्काराने नावाजलेले व ज्येष्ठ साहित्यिक मधु मंगेश कर्णिक यांना नुकताच प्रतिष्ठेचा जनस्थान पुरस्कार जाहीर झाला आहे. यानिमित्त त्यांचे अभिनंदन करण्यासाठी महाराष्ट्र नवनिर्माण सेनेचे विभागाध्यक्ष विरेंद्र जाधव यांनी मुंबईतल्या अंधेरी येथील त्यांच्या राहत्या घरी जाऊन नुकतीच सदिच्छा भेट घेतली.
कविवर्य सन्मित्र प्रसाद कुलकर्णी यांच्यामुळे हा सुंदर योग जुळून आला. मनसेच्या गोरेगाव विधानसभा महिला विभागाध्यक्ष धनश्री चिंचकर नाईक होत्या. जाधव यांच्या मधुभाईंसमवेत दोन तास मनसोक्त गप्पा रंगल्या. मराठी भाषेची सद्यस्थिती आणि तिचे भविष्य या विषयावर त्यांनी मनसेच्या या नेत्यांना मोलाचे मार्गदर्शन केले.
