भारताचे माजी राष्ट्रपती एपीजे अब्दुल कलाम यांच्या स्मृतिप्रीत्यर्थ 15 ऑक्टोबर हा दिवस वाचन प्रेरणा दिवस म्हणून सर्वत्र साजरा केला जातो. मुंबई महानगरपालिकेच्या उद्यान विभागाने उद्यान अधीक्षक जितेंद्र परदेशी यांच्या मार्गदर्शनाखाली अलीकडेच मुंबईमधील उद्यानांमध्ये 24 ठिकाणी वाचनालये सुरू
केली आहेत. ऑक्टोबर महिन्यात पावसाच्या उघडपीनंतर उद्यानात नागरिकांची वर्दळ वाढू लागली आहे. सध्या उद्यानात येणारे ज्येष्ठ नागरिक तसेच लहान मुले उद्यानातील निसर्गरम्य वातावरणात वाचनालयांमधील पुस्तकांचे वाचन करण्यात गुंग होऊन गेल्याचे दृश्य ठिकठिकाणी पाहायला मिळत आहे.
