Tag: Yokohama

यंदाचे म्हणजे २०२४ हे वर्ष जपानमधील योकोहामा मंडळाचे ९वे वर्ष. जपानमधील योकोहामा मंडळ वेगवेगळे उपक्रम आयोजित करीत असतात. यातील सर्वात मोठा उत्सव म्हणजेच गणेशोत्सव. यावेळी मे महिन्यापासूनच गणेशागमनाचे वेध लागले होते. दरवर्षी योकोहामा गणेशोत्सव शनिवार-रविवार २ दिवस साजरा केला जातो. पण यंदा शनिवार-रविवारला जोडून सोमवारीही सु‌ट्टी असल्याने सर्वच आनंदले होते. यामुळे यावर्षी गणेशोत्सव अधिक जोरदार साजरा करण्याचे आराखडे आखले गेले. योकोहामा मंडळाच्या परंपरेप्रमाणे मागील ३ वर्षांचा उपक्रम म्हणजे, गणपती स्थापनेपूर्वी मंडळाच्या कार्यकर्त्यांनी जपानमध्ये आपल्या मुला-मुलींकडे आलेल्या ज्येष्ठ नागरिकांना त्यांच्या घरी प्रत्यक्ष भेट घेऊन, महिलांना शाल व पुरुषांना मंडळाचा कुर्ता देऊन...