Tag: Shah

सहा एप्रिल १९८०, हा भारतीय जनता पक्षाचा (भाजप) स्थापना दिवस. मुंबईत समता नगरमध्ये या पक्षाची स्थापना झाली. पूर्वाश्रमीचे जनसंघी अटल बिहारी वाजपेयी आणि लालकृष्ण अडवाणी यांच्या नेतृत्त्वाखाली नव्या पक्षात एकत्र आले. राष्ट्रीय स्वयंसेवक संघाच्या विचारातून वाढलेल्या कार्यकर्त्यांचा पक्ष म्हणून जनसंघाची ओळख होती. शहरातील मध्यमवर्गीयांचा आणि शेटजी-भटजींचा पक्ष अशी जनसंघाची टिंगलटवाळी केली जायची. आणिबाणीनंतर १९७७मध्ये स्थापन झालेल्या जनता पक्षात जनसंघही सामील झाला. जनता पार्टीमध्ये काँग्रेस (ओ), लोकदल, समाजवादी विचाराचे विविध पक्ष सामील झाले होते. काँग्रेसला हटवून केंद्रात स्थापन झालेल्या जनता पार्टी सरकारमध्येही पूर्वाश्रमीचे जनसंघी मंत्री म्हणून सहभागी झाले. पण अंतर्गत...