Tag: Research

नाशिकच्या महाराष्ट्र आरोग्य विज्ञान विद्यापीठातर्फे दरवर्षाप्रमाणे यंदाही 'आविष्कार', या राज्यस्तरीय संशोधन महोत्सवाचे आयोजन करण्यात आले असून याकरीता ५ डिसेंबर २०२५पर्यंत ऑनलाईन प्रवेशिका सादर करता येतील. महाराष्ट्रातल्या विद्यापीठ स्तरावर उच्चशिक्षण घेत असलेल्या विद्यार्थ्यांच्या संशोधनवृत्तीला चालना मिळावी म्हणून शैक्षणिक वर्ष २००६-०७पासून राज्यस्तरीय संशोधन महोत्सव 'आविष्कार'ची सुरुवात करण्यात आली आहे. आरोग्य विद्यापीठाच्या कार्यक्षेत्रातील सर्व संलग्नित महाविद्यालयांतील विद्यार्थी, शिक्षक आणि संशोधकांना प्रोत्साहन देण्यासाठी या संशोधन महोत्सवाचे आयोजन केले आहे. यानिमित्त प्र. कुलगुरु डॉ. अजय चंदनवाले यांनी सांगितले की, आरोग्य विज्ञानाच्या क्षेत्रात संशोधन, हा एक अविभाज्य घटक आहे. आजचे विद्यार्थी उद्याचे डॅाक्टर आणि संशोधक...