Tag: Nair

मुंबई महापालिकेच्या बा. य. ल. नायर रुग्णालयात 'कोविड-१९'बाधित मातांच्या सुखरुप प्रसूतीने सहस्रकाचा टप्पा नुकताच ओलांडला असून तान्हुल्यांच्या ट्याह्यांच्या मंगलस्वरांनीदेखील त्याला साथ दिली आहे. यानिमित्ताने मुंबईने कोविड विरोधातील मानवाच्या लढ्यास एका वेगळ्या शुभवर्तमानाची जोड दिली आहे. गेल्यावर्षी म्हणजेच एप्रिल २०२०मध्ये 'कोविड रुग्णालय' म्हणून घोषित झालेल्या महानगरपालिकेच्या नायर रुग्णालयात १४ एप्रिल २०२० रोजी पहिल्या कोविडबाधित मातेची सुखरूप प्रसूती झाली होती. तेव्हापासून साधारणपणे वर्षभराच्या कालावधीत नायर रुग्णालयात १००१ कोविडबाधित मातांची सुखरुप प्रसूती झाली आहे. यामध्ये एका तिळ्यांसह १९ जुळ्या बाळांचा समावेश असून यानुसार एकूण १०२२ बाळांचा जन्म नायर रुग्णालयात झाला आहे. विविध विभागांचा...