Tag: Kabaddi

ज्येष्ठ क्रीडा समीक्षक विनायक दळवी यांच्या 'कबड्डीतले किमयागार', या ग्रंथाच्या दुसऱ्या आवृत्तीचे प्रकाशन माजी केंद्रीय मंत्री आणि राष्ट्रवादी काँग्रेस (शरद्चंद्र पवार) पक्षाचे अध्यक्ष शरद पवार यांच्या हस्ते मुंबईच्या यशवंतराव चव्हाण केंद्रात नुकतेच संपन्न झाले. या सोहळ्याला ज्येष्ठ पत्रकार कुमार केतकर यांची प्रमुख उपस्थिती लाभली होती. कबड्डीला ऑलिंपिक खेळामध्ये घेण्यासाठी सर्वार्थाने प्रयत्नशील असलेल्या पवारांनी याप्रसंगी बोलताना या खेळामध्ये जो सावळागोंधळ सुरू आहे त्याविषयी तीव्र नाराजी व्यक्त केली. मला यामध्ये पुन्हा लक्ष घालावे लागेल, असा इशाराच जणू त्यांनी संघटनेतील प्रशासकांना दिला. कबड्डीशी सहा दशकांचे अतूट नाते असणारे क्रीडा क्षेत्रातील पितामह मानल्या जाणाऱ्या...