Tag: Court

"न्यायालयं ही माणसांद्वारे चालवली जातात, कृत्रिम बुद्धिमत्तेद्वारे (एआय) नाही," अशा कडक शब्दांत मुंबई उच्च न्यायालयाने एका याचिकाकर्त्याची तातडीच्या सुनावणीची विनंती फेटाळून लावली. २०२१पासून प्रलंबित असलेल्या एका 'प्रथम अपिलावर' प्राधान्याने सुनावणी घेण्याची मागणी न्यायालयात करण्यात आली होती. मात्र, न्यायाधीशांच्या मानवी मर्यादा आणि प्रलंबित खटल्यांचा डोंगर लक्षात घेता, अशा प्रकारे 'क्यू जंपिंग' (रांग तोडून पुढे येणे) स्वीकारार्ह नसल्याचे न्यायालयाने स्पष्ट केले. न्यायमूर्ती जी. एस. कुलकर्णी आणि न्यायमूर्ती फिरदोश पुनीवाला यांच्या खंडपीठासमोर या प्रकरणाची सुनावणी झाली. संबंधित वकिलांनी आपल्या पक्षकाराच्या २०२१मधील अपिलावर तातडीने सुनावणी घेण्याचा आग्रह धरला होता. यावर न्यायालयाने तीव्र आक्षेप नोंदवत विचारले...