मुंबईच्या दादर माटुंगा सांस्कृतिक केंद्रातर्फे प्रत्येक महिन्याच्या दुसऱ्या रविवारी “स्वरसंचित” या शीर्षकाअंतर्गत ऑनलाईन पद्धतीने होणाऱ्या जुन्या ध्वनिमुद्रित मैफिलीच्या उपक्रमाअंतर्गत रविवार दिनांक ११ जुलै रोजी सकाळी १०.३० वाजता जयपूर अत्रौली घराण्याच्या ख्यातनाम गायिका विदुषी पद्मावती शाळीग्राम-गोखले यांची ध्वनिमुद्रित मैफल सादर होणार आहे.
कजरी, होरी, चैती सादर करण्याची त्यांची खासियत आहे. संगीत नाटक पुरस्कार, कालीदास पुरस्कार, तानसेन पुरस्कार इ. पुरस्कार त्यांना प्राप्त झाले होते. यू ट्यूब प्रणालीवरून प्रसारित होणाऱ्या या मैफलीची लिंक कार्यक्रमाच्या आदल्या दिवशी रसिकांना दादर माटुंगा सांस्कृतिक केंद्राच्या www.dadarmatungaculturalcentre.org या संकेतस्थळावर उपलब्ध असेल. तरी गानरसिकांनी या मैफलीचा बहुसंख्येने आनंद घ्यावा असे आवाहन केंद्राच्या वतीने करण्यात आले आहे.