ग्राहक, व्यवसाय आणि सरकार यांना सायबर सुरक्षा आणि डेटा संरक्षण समाधान पुरवण्याच्या अग्रगण्य प्रदात्यांपैकी एक, क्विक हील टेक्नॉलॉजीज लिमिटेडने आपल्या सल्लागार मंडळावर जागतिक उद्योगातील अनुभवी रिचर्ड स्टिनॉन यांची नियुक्ती केली.
ही नियुक्ती अशावेळी झाली आहे जेव्हा क्विक हील झिरो ट्रस्ट, डेटा प्रायव्हसी आणि एंडपॉईंट डिटेक्शन अँड रिस्पॉन्ससारख्या पुढच्या पिढीच्या उपायांमध्ये प्रवेश करण्याच्या उद्देशाने आपल्या संशोधन आणि विकास प्रयत्नांना गती देत आहे.
क्विक हील टेक्नॉलॉजीज लिमिटेडचे एमडी आणि सीईओ डॉ. कैलाश काटकर म्हणाले की, रिचर्ड स्टिनॉन आमच्या मंडळात सामील झाल्याचा आम्हाला आनंद होत आहे. त्यांचे कौशल्य आणि सायबर सुरक्षेतील विस्तृत अनुभव क्विक हीलला एंटरप्राइझ सुरक्षा क्षेत्रात वाढ करण्यास आणि नाविन्यपूर्ण उत्पादने बाजारात आणण्यास मदत करेल. त्यांचे मार्गदर्शन जागतिक बाजारपेठेतील क्विक हीलच्या प्रवासातही उपयुक्त ठरेल. आमच्यासाठी ही एक रोमांचक वेळ आहे. आम्ही ब्रँड ‘सेक्यूराइट’ एंटरप्राइझ सेगमेंटमध्ये आपले वर्चस्व वाढवत आहोत. रिचर्ड यांचे मंडळातील योगदान आणि क्विक हीलच्या सातत्यपूर्ण यशाची आम्ही वाट पाहत आहोत.
२५ वर्षांहून अधिक समृद्ध अनुभव असलेले रिचर्ड हे जागतिक सायबर सुरक्षा उद्योगातील सर्वात प्रसिद्ध विश्लेषक आणि या वर्गातील प्रमुख आहेत. आपल्या कारकिर्दीत त्यांनी सिमॅन्टेक, मॅकफी, सिस्को, मायक्रोसॉफ्ट आणि ट्रेंड मायक्रोसह काही मोठ्या सायबर सुरक्षा कंपन्यांमधील कार्यकारी संघ आणि मंडळांना सल्ला दिला होता. आपल्या यापूर्वीच्या कारकिर्दीत त्यांनी गार्टनर, पीडब्ल्यूसी, वेबरूट सॉफ्टवेअर, फोर्टिनेट आणि ब्लँको टेक्नॉलॉजी ग्रुप येथे वरिष्ठ नेतृत्त्वाची पदे भूषविली आहेत.
ऑस्ट्रेलियातील कॉमनवेल्थ बँकेसाठी ते एक्सट्रीम सायबर अॅडव्हायझरी पॅनेलचे सल्लागार होते. शिवाय, सिंगटेलने ट्रस्टवेव्हच्या अधिग्रहणासह अनेक एम अँड ए सौद्यांसाठी योग्य परिश्रम केले होते. सध्या रिचर्ड हे आयटी-हार्वेस्ट या कंपनीचे मुख्य संशोधन विश्लेषक आहेत, ज्याची त्यांनी २००५मध्ये स्थापना केली होती आणि ते अनेक स्टार्टअप्सच्या सल्लागार मंडळावर आहेत.
