Sunday, June 23, 2024
Homeमुंबई स्पेशल२२ जानेवारीला विलेपार्ल्यात...

२२ जानेवारीला विलेपार्ल्यात ‘प्रभु आले मंदिरी…’

अयोध्या येथील नवनिर्मित श्रीराम मंदिरातील गर्भगृहात प्रभू श्रीरामाची नूतन बालमूर्ती स्थापित करून तिची प्राणप्रतिष्ठा सोमवार दि. २२ जानेवारी २०२४ या शुभदिनी होत असल्याचा क्षण मोठ्या एलईडी स्क्रीनवर अनुभवत या सोहळ्यात सहभागी होण्यासाठी विलेपार्ले कल्चरल सेंटर आणि श्री रामांजनेय देवस्थान (मद्रासी राम मंदिर) यांच्या सहयोगाने आर्च एंटरप्रायझेसच्या ‘प्रभु आले मंदिरी..’ या विशेष स्वरसोहळ्याचे आय़ोजन आमदार पराग अळवणी यांनी केले आहे. हा सोहळा सकाळी ९ वाजता मुंबईतल्या श्री रामांजनेय देवस्थान, सुभाष रोड, विलेपार्ले पूर्व येथील लक्ष्मी नारायण हिरवळीवर होणार आहे.

प्रभू

काव्या खेडेकर आणि अमृती धुमे यांच्या श्रीरामगीतांनी या सोहळ्याचा शुभारंभ होईल. त्यानंतर भारतरत्न स्व. पं. भीमसेन जोशी यांचे पट्टशिष्य पं. आनंद भाटे (आनंद गंधर्व) यांची विशेष स्वर प्रस्तुती, श्रीरामचंद्रांच्या अयोध्येहून वनवासासाठी प्रयाण ते रावणवध करून अयोध्याला पुनःर्गमन ह्यावर आधारित गीत रामायणातील लोकप्रिय गीतांच्या साथीने नृत्याविष्कार कथ्थक गुरु पूजा पंत आणि त्यांच्या सहनृत्यांगना हे कार्यक्रमाचे वैशिष्ट्य आहे. त्याचबरोबर यावेळी अर्चना गोरे, मंदार आपटे यांचे गायनदेखील होईल. या स्वरसोहळ्याची संकल्पना विनीत गोरे यांची असून निरुपण डॉ. समिरा गुजर-जोशी करतील. अधिकाधिक नागरिकांनी या सोहळ्यात सहभागी व्हावे, असे आवाहन आमदार अळवणी यांनी केले आहे. 

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!