Homeचिट चॅटआता पेटीएमच्या माध्यमातून...

आता पेटीएमच्या माध्यमातून मिळवा डिजिटल गोल्ड

एमएसएमईज व एंटरप्राइजेससाठी भारतात अग्रगण्य असलेल्या मर्चंट पेमेंट्स लीडर आणि फायनान्शियल सर्व्हिसेस वितरण कंपनी, पेटीएमने ‘गोल्ड काॅइन इनिशिएटिव्ह’ची नुकतीच घोषणा केली आहे. हा नवा उपक्रम प्रत्येक व्यवहाराला दीर्घकालीन बचतीची संधी बनवतो. ग्राहकांना प्रत्येक पेमेंटवर गोल्ड कॉइन मिळतील, जे ते सहजपणे डिजिटल गोल्डमध्ये रूपांतरित करू शकतात.

कोठे मिळतील गोल्ड कॉइन?

स्कॅन अँड पे, ऑनलाइन खरेदी, मनी ट्रान्सफर, रिचार्ज, बिल पेमेंट्स आणि ऑटो/रिकरिंग पेमेंट्स यांसारख्या व्यवहारांवर गोल्ड कॉइन मिळतील. युपीआय, क्रेडिट कार्ड, डेबिट कार्ड आणि नेटबँकिंगद्वारे केलेले सर्व पेमेंट्स याकरीता पात्र असतील. विशेष म्हणजे, क्रेडिट कार्ड किंवा रूपे क्रेडिट कार्डद्वारे युपीआय पेमेंट केल्यास दुप्पट गोल्ड कॉइन मिळतील. प्रत्येक व्यवहारावर १% गोल्ड कॉइन मिळतील. जमा झालेले १०० गोल्ड कॉइन = १ रुपया मूल्याच्या डिजिटल गोल्डमध्ये रुपांतरित करता येतात. अशाप्रकारे कुटुंबे आणि व्यवसाय दोन्ही सहजपणे बचत करू शकतात. रिडेम्प्शन प्रक्रिया सोपी असून उपभोक्त्याला अतिरिक्त सोनं खरेदी करण्याचीही सुविधा उपलब्ध आहे.

पेटीएम गोल्ड कॉइन डिजिटल गोल्डमध्ये कसे रूपांतरित करावे?

पेटीएम अॅप उघडा आणि होम स्क्रीनवरील ‘गोल्ड कॉइन’ विजेटवर टॅप करा.

तुमचा गोल्ड कॉइन बॅलन्स पाहा.

बॅलन्स १,५०० कॉइनपर्यंत पोहोचल्यावर ‘कन्व्हर्ट टू डिजिटल गोल्ड’ हा पर्याय सक्रिय होईल.

त्यावर टॅप करून गोल्ड कॉइनचे डिजिटल गोल्डमध्ये सहज रूपांतर करा (१०० गोल्ड कॉइन = १ रुपया मूल्याचे डिजिटल गोल्ड).

Continue reading

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...

पं. हृदयनाथ मंगेशकरांच्या उपस्थितीने रंगला ‘आशाताई आणि मी’!

मुंबईतल्या बोरीवली पश्चिम येथील स्वररंग प्रतिष्ठान, या संस्थेने आयोजित केलेला भावगंधर्व पं. हृदयनाथ मंगेशकर यांचा 'आशाताई आणि मी' हा कार्यक्रम नुकताच प्रबोधनकार ठाकरे नाट्यमंदिर, बोरिवली येथे संपन्न झाला. यावेळी नव्वदीच्या घरात पोहोचलेले पं. हृदयनाथ मंगेशकर यांच्या उपस्थितीने रसिकांच्या तुडूंब...
Skip to content