Homeब्लॅक अँड व्हाईटकठुआत साकारणार उत्तर...

कठुआत साकारणार उत्तर भारतातले पहिले सरकारी होमिओपॅथिक महाविद्यालय

उत्तर भारतातील पहिले सरकारी होमिओपॅथिक महाविद्यालय जम्मू आणि काश्मीरमधील कठुआ जिल्ह्यातील जसरोटा भागात उभारले जाईल, अशी माहिती पंतप्रधान कार्यालयातले राज्यमंत्री डॉ. जितेंद्र सिंह यांनी काल कठुआ येथे दिली. केंद्र सरकारच्या निधीतील 80 कोटी रुपये खर्च करून हे महाविद्यालय उभारले जाणार आहे, असेही त्यांनी सांगितले.

सातत्याने विकासाची वाटचाल सुरू ठेवत डॉ. सिंह यांनी जसरोटा गावातील महाविद्यालयाच्या प्रस्तावित जागेला भेट दिली. सध्या या जागेवर कुंपण भिंतीचे काम सुरू झाले आहे. यावेळी आयुष विभागातील अभियंते आणि वरिष्ठ तज्ञांनी मंत्र्यांना संस्थेबाबत माहिती दिली.

पंतप्रधान नरेंद्र मोदी यांच्यासमोर या महाविद्यालयाची मागणी मांडली होती, असे त्यांनी सांगितले. 70-80 कोटी रुपये खर्चून उभारण्यात येत असलेले, उत्तर भारतातील पहिले सरकारी होमिओपॅथिक महाविद्यालय कठुआच्या लोकांसाठी अभिमानास्पद असल्याचे ते म्हणाले. ही संस्था 8 एकरांपेक्षा जास्त क्षेत्रफळावर विस्तारित असून शेजारील तीन एकर क्षेत्रदेखील योग्य वेळेत महाविद्यालयाच्या जागेबरोबर जोडले जाईल, असे डॉ. सिंह यांनी सांगितले.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content