आयशर ट्रक्स आणि बसेसने फिनिक्स फाऊंडेशनच्या भागीदारीत राज्यातील वाहनचालकांच्या सक्षमीकरणासाठी फिनिक्स-आयशर इन्स्टिट्यूट ऑफ ड्रायव्हर ट्रेनिंग अँड रिसर्चची स्थापना केली आहे. केंद्रीय रस्ते वाहतूक आणि महामार्ग मंत्री नितीन गडकरी यांनी या संस्थेचे नुकतेच उद्घाटन केले.
केंद्रीय रस्ते वाहतूक आणि महामार्ग मंत्रालयासोबत सार्वजनिक-खाजगी भागीदारी अंतर्गत लातूर येथे स्थापन करण्यात आलेल्या या संस्थेचे उद्दिष्ट व्यावसायिक वाहने चालवणाऱ्या वाहनांच्या चालकांना सर्वसमावेशक आणि व्यावसायिक प्रशिक्षण देऊन त्यांची मुख्य क्षमता वाढवणे, हे आहे. जेपी वर्मा, उपाध्यक्ष आफ्टर मार्केट – आयशर ट्रक्स आणि बसेस आणि पाशा पटेल, अध्यक्ष – फिनिक्स फाऊंडेशन यांच्या यावेळी उपस्थित होते.
आयशरकडे आधीच आठ ड्रायव्हर प्रशिक्षण संस्था आहेत. तेथे नवीन ड्रायव्हर्ससाठी पूर्व-परवाना प्रशिक्षण दिले जाते. आयशर १२ प्रादेशिक ड्रायव्हर ट्रेनर्स आणि दरवर्षी सुमारे २० हजार ड्रायव्हर्सद्वारे नियमित ड्रायव्हर प्रशिक्षण कार्यक्रमदेखील आयोजित करते. या कार्यक्रमांद्वारे आतापर्यंत देशभरात २ लाखांहून अधिक चालकांना प्रशिक्षण देण्यात आले आहे.
फिनिक्स-आयशर संस्था १२ एकर क्षेत्रात पसरलेली आहे. ती ड्रायव्हिंग सराव ट्रॅक, ऑटोमोबाईल लॅब, प्रशिक्षण वाहने, उपकरणे आणि आयशरने प्रदान केलेली प्रशिक्षण सामग्री यासारख्या अत्याधुनिक सुविधांनी सुसज्ज आहे. चालकांच्या सोयीसाठी विकसित केलेल्या वसतिगृहात १५० चालकांना राहता येणार आहे. संस्था केवळ नवीन ड्रायव्हर्सनाच प्रशिक्षित करणार नाही तर सध्याच्या ड्रायव्हर्सचे नवीन तंत्रज्ञानासह कौशल्य बळकट करेल.
आयशरने गेल्या काही वर्षांत ड्रायव्हरच्या विकासासाठी महत्त्वपूर्ण योगदान दिले आहे. विशेषतः ड्रायव्हर्सशी संवाद साधण्यासाठी अत्यंत परस्परसंवादी प्रशिक्षण सामग्री विकसित केली आहे. प्रशिक्षणाचा मुख्य हेतू म्हणजे सकारात्मक ड्रायव्हिंग संस्कृती.. जसे की, रस्त्यावरील चिन्हे आणि खुणा यांचे पालन करणे, सुरक्षित ड्रायव्हिंग, सकारात्मक रस्ता वर्तन.
या प्रशिक्षणात इंधन कार्यक्षमता सुधारण्यासाठी आणि वाहन चालकांना नवीनतम वाहन तंत्रज्ञान समजून घेण्यासाठी ड्रायव्हिंग तंत्रावर भर देण्यात आला आहे. फिनिक्स-आयशर इन्स्टिट्यूट ऑफ ड्रायव्हर ट्रेनिंग अँड रिसर्च व्यावसायिक वाहनचालकांमध्ये रस्तासुरक्षा शिक्षणाचा प्रसार करण्यासाठी तसेच सामान्य लोकांना शिक्षित करण्यासाठी कार्यक्रम आयोजित करण्यासाठी प्रभावी संसाधन म्हणून काम करण्याचा मानस आहे.
