सध्या सुरू असलेली सार्वजनिक क्षेत्रातल्या 12 बँकांमधली कारकून संवर्गाची भरतीप्रक्रिया राबवताना पूर्वपरीक्षा व मुख्यपरीक्षा हिंदी व इंग्लिशसोबतच 13 प्रादेशिक भाषांमधूनही व्हावी, तसेच यापुढील भरतीच्या वेळीदेखील हीच पद्धत वापरावी, अशी शिफारस केंद्रीय अर्थ मंत्रालयाने केली आहे.
सार्वजनिक क्षेत्रातील बँकांच्या (PSBs) कारकून संवर्गासाठी प्रादेशिक भाषेतून परीक्षा घेतली जाण्यासंबंधी अर्थ मंत्रालयाने गठीत केलेल्या एका समितीने केलेल्या शिफारशींवर हा निर्णय आधारित आहे.
सर्व ठिकाणच्या स्थानिक युवकांना रोजगाराची समान संधी मिळावी, तसेच ग्राहकांशी स्थानिक भाषेतून संवाद साधताना त्यांच्या भाषाकौशल्याचा फायदा मिळावा या हेतूने समितीने ही शिफारस केली आहे.
कारकून संवर्गाची परीक्षा प्रादेशिक भाषांमधून घेण्याचा हा निर्णय भारतीय स्टेट बँकेच्या भविष्यकाळातील रिक्त जागांसाठी लागू होईल. भारतीय स्टेट बँकेच्या सध्या सुरू असलेल्या भरती प्रक्रियेतील ज्या पदांची जाहिरात याआधीच प्रसिद्ध झाली होती व ज्यांची पूर्वपरीक्षा झालेली आहे, अशा पदांची भरती प्रक्रिया जाहिरातीत दिल्याप्रमाणे पूर्ण केली जाईल, असेही अर्थ मंत्रालयाकडून स्पष्ट करण्यात आले आहे.
