भारतीय जनता पार्टीच्या महाराष्ट्र प्रदेशचे माध्यमप्रमुख म्हणून काल गोविंद येतयेकर यांची तर सहमाध्यममुख म्हणून ओम प्रकाश चौहान यांची नियुक्ती करण्यात आली आहे. भाजपाचे प्रदेशाध्यक्ष रविंद्र चव्हाण यांच्या उपस्थितीत मुंबईत गोविंद येतयेकर व ओम प्रकाश चौहान यांना संघटनात्मक नियुक्तीचे पत्र देण्यात आले. यावेळी रविंद्र चव्हाण यांनी त्यांना पुष्पगुच्छ देऊन त्यांचे अभिनंदन केले व पुढील वाटचालीसाठी शुभेच्छा दिल्या. याप्रसंगी भाजपाचे सरचिटणीस राजेश पांडे, सरचिटणीस सुनील राणी, भारतीय जनता युवा मोर्चाचे अध्यक्ष कृष्णराज महाडिक आदी मान्यवर उपस्थित होते.
महाराष्ट्र भाजपाचे मुख्य प्रवक्ते केशव उपाध्ये यांची प्रदेश उपाध्यक्षपदी बढती झाल्यानंतर माध्यमप्रमुख नवनाथ बन यांना प्रदेश भाजपाचे मुख्य प्रवक्ते बनवण्यात आले. त्यामुळे रिक्त झालेल्या माध्यमप्रमुखपदी येतयेकर आणि आणि त्याखालोखाल सहमाध्यमप्रमुखपदी चौहान यांची नेमणूक करण्यात आली आहे.
