Homeमुंबई स्पेशलमुंबईच्या मालाडमधले डी...

मुंबईच्या मालाडमधले डी मार्ट सील!

मुंबईच्या मालाडमधल्या डी मार्टवर कारवाई करतानाचे हे बोलके चित्र.

मुंबईच्या मालाड (पश्चिम)मधील लिंक रोडवरील ‘डी मार्ट’ स्टोअरमध्ये कोविड-१९ विषाणू संसर्ग प्रतिबंधक नियमांचे उल्लंघन केल्याप्रकरणी मुंबई महापालिकेच्या पी/उत्तर विभाग कार्यालयाने आज (२४ जुलै २०२१) सील केले.

याप्रकरणी या डिपार्टमेंटल स्टोअरच्या संबंधित व्यवस्थापकाला नोटीस बजावून यासंदर्भात तीन दिवसात स्पष्टीकरण सादर करण्याचे आदेशदेखील देण्यात आले आहेत.

मुंबईसह संपूर्ण राज्यामध्ये कोविड-१९ विषाणू संसर्ग प्रतिबंधक उपाययोजना लागू आहेत. साथरोग प्रतिबंधात्मक कायद्यानुसार या सर्व उपाययोजनांचे व निर्देशांचे पालन काटेकोरपणे करणे बंधनकारक आहे. या अनुषंगाने महापालिकेच्या पथकाने आज तपासणी केली. त्यावेळी मालाडच्या लिंक रोडवरील डी मार्ट स्टोअरमध्ये उपाययोजनांचे उल्लंघन होत असल्याचे आढळून आले.

डी मार्टच्या कर्मचाऱ्यांनी, विशेषतः बिल काऊंटरवरील कर्मचाऱ्यांनी मास्क आणि हातमोजे यांचा वापर केलेला नसल्याचे आढळले. तसेच कर्मचारी आणि ग्राहक सर्वजण वावरत असताना सुरक्षित अंतराचे नियम पाळत नसल्याचेही निदर्शनास आले. एकाचवेळी ग्राहकांची मोठ्या प्रमाणावर गर्दी करून उपस्थिती नियमाचादेखील तेथे भंग केला गेला. यास डी मार्ट व्यवस्थापन कारणीभूत ठरलेले आहे, असे महापालिकेचे म्हणणे आहे.

एकूणच, कोविड प्रतिबंधक नियमांचे योग्यरीत्या पालन होत नसल्याने डी मार्ट, पुढील आदेशापर्यंत बंद (सील) करण्यात आले आहे. डी मार्टच्या संबंधित व्यवस्थापकास नियमभंगाबाबत नोटीस बजावून, परवाना रद्द का करण्यात येऊ नये, ह्याविषयी तीन दिवसात स्पष्टीकरण सादर करण्याचे आदेशदेखील पी/उत्तर विभागाच्या सहाय्यक आयुक्तांनी दिले आहेत.

मालाड

कांदिवलीतील ‘त्या’ ३९०पैकी १५५ नागरिकांनी घेतली खरी लस

कांदिवली (पश्चिम)मध्ये हिरानंदानी हेरिटेज क्लब या गृह संकुलात खासगी स्तरावर बनावट कोविड-१९ लसीकरण होऊन फसवणूक झालेल्या नागरिकांना मुंबई महापालिकेकडून अधिकृत लस देण्यास आज प्रारंभ झाला. ह्या ३९० व्यक्तींपैकी १५५ जणांना आज (२४ जुलै २०२१) कांदिवली (पश्चिम)च्या महावीर नगर परिसरातील ऍमिनिटी मार्केट महापालिका लसीकरण केंद्रावर लस देण्यात आली. उर्वरित नागरिकांना सोमवारी, २६ जुलै २०२१ रोजी / ते येतील त्यानुसार लस देण्यात येईल, असेही पालिकेकडून सांगण्यात आले.

Continue reading

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...

पं. हृदयनाथ मंगेशकरांच्या उपस्थितीने रंगला ‘आशाताई आणि मी’!

मुंबईतल्या बोरीवली पश्चिम येथील स्वररंग प्रतिष्ठान, या संस्थेने आयोजित केलेला भावगंधर्व पं. हृदयनाथ मंगेशकर यांचा 'आशाताई आणि मी' हा कार्यक्रम नुकताच प्रबोधनकार ठाकरे नाट्यमंदिर, बोरिवली येथे संपन्न झाला. यावेळी नव्वदीच्या घरात पोहोचलेले पं. हृदयनाथ मंगेशकर यांच्या उपस्थितीने रसिकांच्या तुडूंब...
Skip to content