Homeकल्चर +स्टोरीटेल मराठीचे ‘एप्रिल...

स्टोरीटेल मराठीचे ‘एप्रिल पुल’!

लोकप्रिय मराठी विनोदी लेखक, शिक्षक, वक्ते, पटकथालेखक, नाटककार, नकलाकार, कवी, संगीतकार, गायक, पेटीवादक, अभिनेते म्हणजेच महाराष्ट्राचे लाडके व्यक्तिमत्व, आपले भाई उर्फ पु. ल. देशपांडे. जगभरातील त्यांच्या असंख्य साहित्यप्रेमींसाठी ‘स्टोरीटेल मराठी’ एक आनंदाची बातमी घेऊन आले आहे. एप्रिल महिना स्टोरीटेल मराठीवर “एप्रिल पुल” असणार आहे. पुलंच्या पुस्तकांची ‘ऑडिओ बुक्स’ संपूर्ण एप्रिल महिनाभर विश्वभरातील रसिकांना ऐकता येणार असल्याने खऱ्या अर्थाने रसिकांसाठी ही पर्वणी ठरणार आहे.

दर आठवड्याला पुलंचे एक लोकप्रिय पुस्तक नामवंतांच्या सुस्पष्ट आवाजात ‘ऑडिओ बुक्स’ फॉरमॅटमध्ये ‘स्टोरीटेल मराठीवर’ ऐकता येईल. हा महिना एप्रिल फुल! करण्याचा नाही  तर स्टोरीटेलवर ‘एप्रिल पुल’ ऐकण्याचा आहे! या महिन्यात स्टोरीटेलवर दर चार दिवसांनी पुलंचे नवे ऑडिओबुक प्रकशित होणार आहे. १ एप्रिल रोजी ‘गुण गाईन आवडी’मधील काही लेख प्रकाशित होतील तर ४ एप्रिलला ‘मैत्र’ हे ऑडिओबुक प्रकशित होणार आहे!!

एप्रिल महिन्यातील “एप्रिल पुल”मध्ये दर आठवड्याला पुलंचं कोणतं पुस्तक ‘ऑडिओ बुक’ फॉरमॅटमध्ये रसिकांना ऐकायला मिळणार? आणि ते कोणत्या महनीय व्यक्तीच्या मधुर आवाजात असणार? याविषयीचं कुतूहल स्टोरीटेलने कायम राखलं असून ही माहिती दर आठवड्याला स्टोरीटेलवरच उघड केली जाणार आहे.

स्टोरीटेल सातत्याने आपल्या साहित्यप्रेमी रसिकश्रोत्यांसाठी नवनवीन योजना आणून त्यांच्या आवडीनिवडींना प्राधान्य देत असते. १ एप्रिल रोजी ‘गुण गाईन आवडी’मधील ‘माझे एक दत्तक आजोबा’, ‘डॉ. लोहिया: एक रसिक तापस’, ‘मंगल दिन आज’, तर ४ एप्रिलला ‘मैत्र’मधील ‘नानासाहेब गोरे: प्रफुल्ल होवोनि सुपुष्प ठेले’, ‘शाहू महाराज: एक धिप्पाड माणूस’, ‘हमीद: एक श्रेष्ठ प्रबोधनकार’, ‘जीवन त्यांना कळले हो’, ‘जाने क्यूं आज तेरे नाम पे रोना आया’ यांचा समावेश आहे. ही सर्व ‘ऑडिओ बुक्स’ लोकप्रिय अभिनेता सौरभ गोगटे यांच्या आवाजात आहेत.

‘स्टोरीटेल’ या जगविख्यात समूहाने भारतीय प्रादेशिक साहित्याला ऑडिओ बुक्सद्वारे जागतिक व्यासपीठ मिळवून देण्यासाठी प्रयत्नांची पराकाष्ठा सुरू केली आहे. आपले मराठी साहित्य दीर्घकाळ टिकावे आणि नव्या पिढीसाठी हा वारसा जपला जावा याकरिता सर्वोत्कृष्ट अत्याधुनिक तंत्रज्ञानाचा वापर करून हे साहित्य ‘ऑडिओ बुक्स’च्या माध्यमातून जतन करण्याचे बहुमोल कार्य ते गेल्या पाच वर्षांपासून करीत आहे. आपल्या भाषेतील दर्जेदार आणि दुर्मिळ साहित्य अधिकाधिक रसिकांपर्यंत पोहोचविण्याचा विडा स्टोरीटेलने उचलला आहे.

स्टोरीटेलवर “एप्रिल पुल”मधील पुलंचं लोकप्रिय साहित्य ऐकण्यासाठी स्टोरीटेल सिलेक्टची दरमहा वर्गणी रू. १४९/- तर वार्षिक वर्गणी सवलतीत रू. ९९९/- भरून मराठी भाषेतील हजारो ऑडिओबुक्स ऐकण्याचा आनंद घेऊ शकता. रसिकांना ११ प्रादेशिक भाषांमधील अमर्यादित ऑडिओबुक्सच्या माध्यमातून ‘साहित्यश्रवणानंद’ घेता येईल.

पुलंची लोकप्रिय ऑडिओबुक्स‘ ऐकण्यासाठील लिंक

https://www.storytel.com/in/en/books/gun-gaeen-awadi-2256406

https://www.storytel.com/in/en/books/maitra-2256407

Continue reading

‘ध्यास’ आणि ‘रंगकर्मी’ सन्मानांचा सोहळा ‘चैत्र चाहूल’ संपन्न!

गुढीपाडव्याच्या शुभमुहूर्तावर मराठी संस्कृती आणि भाषेचा गौरव करणारा विनोद आणि महेंद्र पवार यांच्या 'ॲड फिझ’ निर्मित ‘चैत्र चाहूल’ हा कलेचा, संस्कृतीचा आणि सामाजिक बांधिलकी जपणारा मानाचा कार्यक्रम यंदाही अत्यंत दिमाखात पार पडला. गेली दोन दशके सातत्याने आयोजित केला जाणारा...

तुम्ही ‘बायको’शी लग्न केलंय, ‘मोलकरणी’शी नाही!

सर्वोच्च न्यायालयाने नुकताच एक ऐतिहासिक आणि विचार करायला लावणारी टिप्पणी केली- "तुम्ही 'बायको'शी लग्न केलंय, 'मोलकरणी'शी नाही!" न्यायमूर्ती विक्रम नाथ यांनी एका वैवाहिक वादाच्या सुनावणीदरम्यान पतीला स्पष्ट शब्दांत बजावलं की, "स्वयंपाक करणं, भांडी घासणं, घर सांभाळणं, या गोष्टींमध्ये तुम्हालाही...

महाडच्या ऐतिहासिक भूमीतून समता आणि समरसतेचा संदेश…

मुख्यमंत्री देवेंद्र फडणवीस यांनी आज महाडमध्ये 'महाड चवदार तळे सत्याग्रह - शताब्दी वर्ष अभिवादन सोहळ्यात' प्रमुख उपस्थिती दर्शवली. तत्पूर्वी मुख्यमंत्री फडणवीस यांनी 'चवदार तळे जलशुध्दीकरण व परिसर सुशोभिकरण प्रकल्पा'चे भूमिपूजन व कोनशिला अनावरण केले. यावेळी मुख्यमंत्री फडणवीस म्हणाले की,...
Skip to content