अनिक्षा जयसिंघानी यांच्या माध्यमातून अडचणीत आल्यानंतर सार्वजनिक कार्यक्रमांपासून जरा अंतर ठेवणाऱ्या अमृता फडणवीस यांनी यंदा श्रावणात मात्र आपला पूर्वीचा अंदाज दाखवून दिला. ‘ती’ फाऊंडेशनच्या वतीने मुंबईत वर्सोवा येथे नुकत्याच आयोजित करण्यात आलेल्या “श्रावण सोहळा मंगळागौर उत्सवाचे” या कार्यक्रमात अमृता फडणवीस सहभागी झाल्या होत्या.
“मंगळागौर” म्हणजे महाराष्ट्राच्या संस्कृतीतला एक हळवा धागा. वर्सोव्यात सर्व जातीधर्माचे नागरिक राहतात. महिलांना आपल्या कलागुणांचे दर्शन घडविता यावे यासाठी पुरेसा वाव मिळत नाही. त्यामुळे वर्सोव्यातील नव्या पिढीला आपली परंपरा समजावी, जुने खेळ आजच्या पिढीला समजावेत यासाठी वर्सोवा विधानसभा क्षेत्राच्या भाजप आमदार व ‘ती’ फाऊंडेशनच्या अध्यक्षा डॉ. भारती लव्हेकर यांनी या कार्यक्रमाचे आयोजन केले. कित्येक महिलांनी या कार्यक्रमाचा आनंद लुटला.
