मुंबईतल्या दादर माटुंगा सांस्कृतिक केंद्राच्या वतीने ‘स्वरसंचित’ ह्या कार्यक्रमात रविवार दिनांक १२ सप्टेंबर २०२१ रोजी सायंकाळी ५ वाजता आग्रा घराण्याच्या सुप्रसिद्ध गायिका ललित राव यांच्या गायनाचे ध्वनिमुद्रण प्रसारित करण्यात येणार आहे.
ललित राव यांनी संगीताचे शिक्षण पं. रामराव नाईक, पं. दिनकर कैकिणी, उस्ताद खादीम हुसेन खाँ साहेब यांच्याकडून घेतले. त्यांनी भारतात आणि परदेशात गायनाचे कार्यक्रम केले आहेत. शास्त्रीय संगीत संग्रहित करण्यासाठी त्यांचे मोठे योगदान आहे. ख्याल, ध्रुपद, धमार, ठुमरी, तराणा, होरी अशा शास्त्रीय संगीताच्या अनेक प्रकारांवर त्यांचे प्रभुत्व आहे.
कार्यक्रमाची लिंक कार्यक्रमाच्या आदल्या दिवशी केंद्राच्या www.dadarmatungaculturalcentre.org या वेबसाईटवर उपलब्ध होईल.
