Homeब्लॅक अँड व्हाईट'इझमायट्रिप'चा विमा क्षेत्रात...

‘इझमायट्रिप’चा विमा क्षेत्रात प्रवेश!

इझमायट्रिपडॉटकॉम, या भारतातील दुसऱ्या सर्वात मोठ्या ऑनलाईन ट्रॅव्‍हल टेक प्‍लॅटफॉर्मने आपली नवीन उपकंपनी इझमायट्रिप इन्‍शुरन्‍स ब्रोकर प्रायव्‍हेट लिमिटेड लाँच केली आहे. आपल्‍या सेवा पोर्टफोलिओमध्‍ये विविधता आणण्‍यासाठी आणि ग्राहकांच्‍या गरजांचे निराकरण करण्‍याकरिता विशेषीकृत उत्‍पादन निर्माण करत विमा बाजारपेठेत प्रवेश करण्‍यासाठी कंपनीने उचललेले हे धोरणात्‍मक पाऊल आहे.

नवीन उद्यम उद्योगामधील इझमायट्रिपचे स्‍थान अधिक दृढ करण्‍याची आणि इझमायट्रिपच्‍या स्‍वत:च्‍या २० दशलक्ष युजरवर्गासह ७.९ ट्रिलियन रूपये बाजारपेठेची पूर्तता करण्याची अपेक्षा आहे. विमा ब्रोकरेज क्षेत्रात प्रवेश करत कंपनीचा आपल्‍या सेवा पोर्टफोलिओमध्‍ये वाढ करण्‍याचा, तसेच व्‍यवसाय कार्यसंचालने व महसूल वाढवण्‍यासाठी नवीन मार्ग स्‍थापित करण्‍याचा मानस आहे.

इझमायट्रिप इन्‍शुरन्‍स ब्रोकर प्रायव्‍हेट लिमिटेड ब्रॅण्डअंतर्गत विशिष्‍ट कंपनी म्‍हणून समाविष्‍ट करण्‍यात आली आहे. ईटीपीएलचे प्रवर्तक निशांत पिट्टी यांना नवीन स्‍थापना करण्‍यात आलेल्‍या उपकंपनीमध्‍ये संचालकपद देण्‍यात आले आहे. त्‍यांचे नेतृत्त्‍व आणि कौशल्‍य कंपनीला विमा क्षेत्रात यशाच्‍या दिशेने घेऊन जाण्‍यास मार्गदर्शन करण्‍यामध्‍ये महत्त्वाची भूमिका बजावेल. 

इझमायट्रिपचे मुख्‍य कार्यकारी अधिकारी व सह-संस्‍थापक निशांत पिट्टी म्‍हणाले की, आम्‍हाला इझमायट्रिप इन्‍शुरन्‍स ब्रोकर प्रायव्‍हेट लिमिटेडच्‍या लाँचची घोषणा करताना आनंद होत आहे. ही नवीन उपकंपनी आमच्‍यासाठी प्रगतीच्‍या दिशेने वाटचाल करण्‍यामधील प्रमुख पाऊल आहे, जेथे आम्‍ही आमच्‍या सेवांमध्‍ये विविधता आणत विमा बाजारपेठेत प्रवेश करत आहोत. आमचा ग्राहकांना परिपूर्ण ट्रॅव्‍हल इकोसिस्‍टम प्रदान करण्‍याचा मानस आहे आणि हा नवीन उद्यम त्‍याच दिशेने उचलण्‍यात आलेले पाऊल आहे. सर्वोत्तमता व ग्राहक समाधानाप्रती आमच्‍या प्रबळ प्राधान्‍यासह आम्‍हाला विश्‍वास आहे की, आम्‍ही आमच्‍या विद्यमान व नवीन ग्राहकांवर दीर्घकालीन प्रभाव निर्माण करू.

इझमायट्रिप इन्‍शुरन्‍स ब्रोकर प्रायव्‍हेट लिमिटेडचा नाविन्‍यता आणि क्‍लायण्‍टकेंद्रित मानसिकतेच्‍या माध्‍यमातून विमा क्षेत्रात क्रांतिकारी बदल घडवून आणण्‍याचा प्रयत्न आहे. प्रगतीशील व गतीशील ब्रॅण्‍ड म्‍हणून इझमायट्रिपच्‍या प्रतिष्‍ठेने सर्वसमावेशक विमा सोल्‍यूशन्‍स प्रदान करण्‍याप्रती कंपनीची समर्पितता अधिक दृढ केली आहे, जेथे हे सोल्‍यूशन्‍स गाहकांसाठी काळाच्‍या गरजेची पूर्तता करतील.

Continue reading

मुंबईत येत्या २० नोव्हेंबरपासून ३ दिवस रसिकांसाठी संगीताची मेजवानी

हिंदुस्थानी शास्त्रीय संगीताची समृद्ध परंपरा, सुरांची माधुरी आणि स्वरकलेचा अभिजात वारसा जपणाऱ्या मुंबईतल्या दादर माटुंगा सांस्कृतिक केंद्राच्या वतीने यंदाही वार्षिक संगीत महोत्सवाचे भव्य आयोजन करण्यात आले आहे. येत्या २० ते २२ नोव्हेंबर, या कालावधीत रंगणारा हा त्रिदिवसीय संगीत महोत्सव...

अमेरिकेचे अध्यक्ष ट्रम्प होणार व्हेटो अध्यक्ष?

अमेरिकेत नुकत्याच झालेल्या मध्यावधी निवडणुकीत अध्यक्ष डोनाल्ड ट्रम्प यांच्या रिपब्लिकन पक्षाने सपाटून मार खाल्ल्यानंतर ट्रम्प यांचे अध्यक्षपद फक्त नामधारी राहणार आहे. येत्या तीन जानेवारीपर्यंत ट्रम्प यांची सध्याची ध्येयधोरणे अस्तित्त्वात राहतील. मात्र, त्यानंतर त्यांना अमेरिकी काँग्रेस (प्रतिनिधीगृह) तसेच सिनेटमधल्या डेमॉक्रॅटिक...

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...
Skip to content