भारतात सुरू झालेल्या ‘आयसीसी मेन्स क्रिकेट वर्ल्ड कप २०२३’चे निमित्त साधून ‘अल्ट्रा मीडिया अँड एंटरटेनमेंट’ने भारतीय क्रिकेटपटू आणि नागरिकांमध्ये उत्साहाचा जोश भरण्यासाठी ‘बोलो भारत माता की जय..’ या शीर्षकाचं नवं कोरं उत्स्फूर्त गीत काल ‘अल्ट्रा म्युझिक’वर आणले आहे.
हे प्रेरक गीत हिंदीमध्ये ऐकायला मिळणार आहे. व्हिडिओ आणि ऑडियो दोन्ही स्वरूपात हे गीत उपलब्ध असून ऑडिओ स्वरूपातील गीत सर्व माध्यमांवर ऐकायला मिळणार आहे. हे प्रेरणादायी गीत दीपक चौहान यांनी शब्दबद्ध केले आहे. ‘नील नटराज’ या संगीतकारांनी ते संगीतबद्ध केले असून नील यांनी त्याला स्वर दिले आहेत. हे प्रेरक गीत म्हणजे राष्ट्राचा अभिमान आणि गौरवाचे प्रतीक असून एकतेची हाक आहे. आपल्या राष्ट्राच्या विविधतेत असलेल्या एकात्मिक सामर्थ्याचे स्मरण आहे. प्रत्येक भारतीयाच्या मनामनात गीत गुंजेल आणि भारतीय क्रिकेटपटूंवरील त्यांचे प्रेम आणि विश्वास वाढवेल. हे प्रेरक गीत भारतीय क्रिकेट संघाच्या ऊर्जेचा स्त्रोत बनून त्यांना कायम प्रेरणा देत राहील, अशी प्रतिक्रिया रसिकांकडून व्यक्त होत आहे.
भारतीय खेळाडूंनी अलीकडेच झालेल्या क्रिकेट आणि आशियाई खेळांमध्ये अभूतपूर्व कामगिरी दाखवली आहे. आता होणाऱ्या विश्वचषकातही प्राविण्य मिळवून देण्याची आम्ही सर्वजण वाट पाहत आहोत. प्रत्येक भारतीय क्रिकेटप्रेमीच्या मनामनात उत्साहाची ठिणगी पेटवण्यासाठी ‘बोलो भारत माता की जय’ हे प्रेरक गीत खास शुभेच्छा आणि आमचा सन्मान समजून आम्ही सादर करत आहोत. हे प्रेरक गीत म्हणजे जगाच्या नकाशावर भारताचा झेंडा अभिमानाने फडकावण्यासाठीचे खेळाडूंसाठी प्रोत्साहान आहे, असे अल्ट्रा मीडिया अँड एंटरटेनमेंट प्रा. लि.चे डायरेक्टर रजत अग्रवाल म्हणाले.
गाण्याची लिंकः https://youtu.be/e9M–6h6o6A?feature=shared
