हल्ली मूल दोन वर्षांचेही झाले नाही तोच त्याच्या वा तिच्या प्रतिभेला वाव देण्यासाठी अनेक प्रि प्रायमरी शैक्षणिक संस्था उत्सुक असतात. विविध प्रकारच्या स्पर्धा, खेळ, कविता, गाणी, अक्षरओळख, रंगओळख असे अनेक उपक्रम या व्यावसायिक प्रि प्रायमरी शैक्षणिक संस्था त्यांच्या-त्यांच्या शाळांमधून राबवत असतात. अशाच एका शाळेने पुण्यातल्या हिंजवडी परिसरात पावसाळ्याचे औचित्य साधत छत्री रंगवण्याची स्पर्धा आयोजित केली होती. बालकांनी त्यांच्या पालकांच्या सहाय्याने छत्र्या रंगवायच्या होत्या. त्यात अवनी दामले, या अडीच वर्षांच्या चिमुकलीने पालकांच्या प्रत्यक्ष मदतीशिवाय संपूर्ण छत्री रंगवत आपल्या बोटांची जादुगिरी दाखवली. त्याची ही काही क्षणचित्रे…
