माहीम खाडी पुलाच्या विस्तारीकरणाच्या कामात येणाऱ्या ९०० मिलीमीटर रिक्लेमेशन इनलेट वळविण्याचे काम गुरुवार, दि. ४ मे २०२३ रोजी हाती घेण्यात येणार आहे. या कामामुळे वांद्रे पश्चिम आणि खार पश्चिमसह संपूर्ण ‘एच पश्चिम’ विभाग कार्यक्षेत्रात गुरुवारी, ४ मे रोजी सकाळी १० वाजल्यापासून शुक्रवारी, ५ मे रोजी पहाटे ४ वाजेपर्यंत कमी दाबाने पाणीपुरवठा होईल.
त्यामुळे या परिसरातील नागरिकांनी नमूद कालावधीत पाण्याचा आवश्यक साठा करुन ठेवावा. तसेच, काटकसरीने पाणी वापरुन सहकार्य करावे, असे आवाहन बृहन्मुंबई महापालिकेने केले आहे.
