मुंबईत २२७ जागांसाठी १७०० उमेदवार!

बृहन्‍मुंबई महानगरपालिका सार्वत्रिक निवडणुकीच्या प्रक्रियेत काल शुक्रवारी एकूण ४५३ नामनिर्देशनपत्रे मागे घेण्‍यात आली त्यामुळे आता मुंबईतल्या २२७ प्रभागांसाठी १ हजार ७०० उमेदवार निवडणूक रिंगणात आहेत. आज सकाळी ११ वाजल्यापासून निवडणूक चिन्‍हाचे वाटप करण्यात आले. आजच या उमेदवारांची अंतिम यादी प्रसिद्ध करण्यात येत आहे.

राज्‍य निवडणूक आयोगाने जाहीर केलेल्‍या महापालिका निवडणुकीच्या कार्यक्रमानुसार, २३ डिसेंबर ते ३० डिसेंबरपर्यंत एकूण ११ हजार ३९१ नामनिर्देशनपत्रांचे वितरण झाले. नामनिर्देशनपत्र स्‍वीकारण्‍याच्‍या अंतिम दिवसापर्यंत म्‍हणजेच ३० डिसेंबरपर्यंत एकूण २ हजार ५१६ उमेदवारीअर्ज दाखल झाले. ३१ डिसेंबरला या अर्जांची छाननी करण्‍यात आली. त्यात १६७ नामनिर्देशनपत्रे अवैध ठरली. उमेदवारीअर्ज मागे घेण्याची मुदत काल शुक्रवारी संपली. या कालावधीत ४५३ नामनिर्देशनपत्रे मागे घेण्‍यात आली. माघारीअंती स्‍पष्‍ट झालेल्‍या चित्रानुसार, १ हजार ७०० उमेदवार निवडणूक लढविणार आहेत.

निवडणूक निर्णय कार्यालय / माघार घेतलेल्‍या नामनिर्देशन पत्रांची संख्‍या / निवडणूक लढविणा-या उमेदवारांची संख्‍या याची माहिती पुढीलप्रमाणे-

१) ए + बी + ई विभाग (RO २३) – १९ / ९२

२) सी + डी विभाग (RO २२) – ०५ / ४४

3) एफ दक्षिण विभाग (RO २१ ) – २१ / ५०

४) जी दक्षिण विभाग (RO २०) – १४ / ५१

५) जी उत्‍तर विभाग (RO १९) – १८ / १०९

६) एफ उत्‍तर विभाग (RO १८) – २५ / ९३

७) एल विभाग (RO १७) – २० / ७६

८) एल विभाग (RO १६) – २४ / ७४

९) एम पूर्व विभाग (RO १५) – ४१ / १२१

१०) एम पूर्व + एम पश्चिम (RO १४) – ४४ / ९७

११) एन विभाग (RO १३) – ३४ / ८८

१२) एस विभाग (RO १२) – १५ / ७०

१३) टी विभाग (RO ११) – २४ / ७९

१४) एच पूर्व विभाग (RO १०) – २५/ ८७

१५) के पूर्व + एच पश्चिम विभाग (RO ९) – १२ / ५८

१६) के पश्चिम विभाग + के पूर्व (RO ८) – १८ / ८२

१७) के पश्चिम विभाग (RO ७) – १८ / १०४

१८) पी दक्षिण विभाग (RO ६) – १४ / ५६

१९) पी पूर्व विभाग (RO ५) – २१ / ८१

२०) पी उत्‍तर विभाग (RO ४) – ११ / ६०

२१) आर दक्षिण विभाग (RO ३) – १० / ८३

२२) आर मध्‍य विभाग (RO २) – ०७ / ३५

२३) आर उत्‍तर विभाग (RO १) – १३ / ३९

एकूण – ४५३/ १७००