Details
गणेश चित्रशाळेस परवानगीसाठी शिवसेनेची धडक
01-Jul-2019
”
केएचएल न्यूज ब्युरो
[email protected]
येत्या 2 सप्टेंबरपासून सुरू होणाऱ्या गणेशोत्सवाची लगबग सुरू झाली आहे. मुंबईत अनेक ठिकाणी गणेश चित्रशाळेत मूर्तिकार दिवसाची रात्र करून आकर्षक गणेश मूर्ती घडवण्याच्या कामात मग्न आहेत. अशावेळी गणेश चित्रशाळेस परवानगी देण्यात दिरंगाई करणाऱ्या पालिका अधिकाऱ्यांना जाब विचारण्यासाठी आमदार व शिवसेनेचे विभागप्रमुख अनिल परब यांच्या मार्गदर्शनाखाली येथील शिवसेनेच्या पदाधिकाऱ्यांनी मुंबई महापालिकेच्या के पूर्व कार्यालयावर नुकतीच धडक दिली. यावेळी के पूर्वचे अधिकारी संभाजी दोरूगले, सहाय्यक अभियंता यांच्याकडे लवकरात लवकर कार्यशाळेच्या मंडपाची परवानगी दिली जावी अशी मागणी करण्यात आली. ही परवानगी न दिल्यास तीव्र आंदोलन छेडण्याचा इशाराही देण्यात आला.
गेल्या वर्षीसुद्धा गणेशोत्सव मंडळाच्या मंडपाला परवानगी नाकारणाऱ्या के पूर्व वॉर्डमध्ये आमदार परब यांच्या नेतृत्त्वाखाली शिवसैनिकांनी धडक देऊन महाआरती केली होती, अशी माहिती विलेपार्ले विधानसभा समन्वयक नितीन डिचोलकर यांनी दिली. यावेळी विलेपार्ले विधानसभा संघटक सुभाष सावंत, विधानसभा समन्वयक नितीन डिचोलकर, उपविभागप्रमुख चंद्रकांत पवार, माजी नगरसेवक शशिकांत पाटकर व शाखाप्रमुख किशोर जठार, अनिल मालप, नरेश सावंत, मुन्ना साबळे, सुमित तळवणकर, स्वप्नील गंडे, सूर्या नलावडे आदी मान्यवर उपस्थित होते.”
“केएचएल न्यूज ब्युरो
[email protected]
येत्या 2 सप्टेंबरपासून सुरू होणाऱ्या गणेशोत्सवाची लगबग सुरू झाली आहे. मुंबईत अनेक ठिकाणी गणेश चित्रशाळेत मूर्तिकार दिवसाची रात्र करून आकर्षक गणेश मूर्ती घडवण्याच्या कामात मग्न आहेत. अशावेळी गणेश चित्रशाळेस परवानगी देण्यात दिरंगाई करणाऱ्या पालिका अधिकाऱ्यांना जाब विचारण्यासाठी आमदार व शिवसेनेचे विभागप्रमुख अनिल परब यांच्या मार्गदर्शनाखाली येथील शिवसेनेच्या पदाधिकाऱ्यांनी मुंबई महापालिकेच्या के पूर्व कार्यालयावर नुकतीच धडक दिली. यावेळी के पूर्वचे अधिकारी संभाजी दोरूगले, सहाय्यक अभियंता यांच्याकडे लवकरात लवकर कार्यशाळेच्या मंडपाची परवानगी दिली जावी अशी मागणी करण्यात आली. ही परवानगी न दिल्यास तीव्र आंदोलन छेडण्याचा इशाराही देण्यात आला.
गेल्या वर्षीसुद्धा गणेशोत्सव मंडळाच्या मंडपाला परवानगी नाकारणाऱ्या के पूर्व वॉर्डमध्ये आमदार परब यांच्या नेतृत्त्वाखाली शिवसैनिकांनी धडक देऊन महाआरती केली होती, अशी माहिती विलेपार्ले विधानसभा समन्वयक नितीन डिचोलकर यांनी दिली. यावेळी विलेपार्ले विधानसभा संघटक सुभाष सावंत, विधानसभा समन्वयक नितीन डिचोलकर, उपविभागप्रमुख चंद्रकांत पवार, माजी नगरसेवक शशिकांत पाटकर व शाखाप्रमुख किशोर जठार, अनिल मालप, नरेश सावंत, मुन्ना साबळे, सुमित तळवणकर, स्वप्नील गंडे, सूर्या नलावडे आदी मान्यवर उपस्थित होते.”
