बृहन्मुंबई महानगरपालिकेच्या जी/उत्तर विभागातील धारावी नवरंग कम्पाउंड येथे २४०० मिलीमीटर व्यासाची अप्पर वैतरणा प्रमुख जलवाहिनी व ४५० मिलीमीटर व्यासाची जलवाहिनी यांच्या जलजोडणीचे काम येत्या गुरुवारी, १८ एप्रिललला सकाळी १० वाजल्यापासून सुरू होणार असून ते शुक्रवारी, १९ एप्रिलला पहाटे ४ वाजेपर्यंत (एकूण १८ तासांसाठी) चालणार आहे. त्यामुळे या कालावधीत मुंबईतल्या काही भागांत १०० टक्के तर काही भागांत २५ टक्के पाणीपुरवठा बंद राहणार आहे.
याचा तपशील पुढीलप्रमाणे-
पूर्णपणे पाणीपुरवठा बंद असलेला भाग:
१. एच पूर्व विभाग- वांद्रे रेल्वे टर्मिनस व वांद्रे स्थानक परिसर (गुरुवार, १८ एप्रिल व शुक्रवार, १९ एप्रिल)
२. जी उत्तर– धारावी लूप मार्ग, नाईक नगर, प्रेम नगर (गुरुवार, १८ एप्रिलला धारावी येथील सकाळचा पाणीपुरवठा)
३. जी उत्तर– धारावी लूप मार्ग, गणेश मंदीर मार्ग, दिलीप कदम मार्ग, माहीम फाटक मार्ग (गुरुवार, १८ एप्रिलला धारावी येथील सायंकाळचा पाणीपुरवठा)
२५ टक्के पाणीपुरवठा बंद असलेला भाग:
१. जी उत्तर– ६०’ रोड, शीव-माहीम लिंक रोड, ९०’ रोड, महात्मा गांधी मार्ग, संत कक्कया मार्ग, ए. के. जी. नगर, एम. पी. नगर (गुरुवार, १८ एप्रिलला धारावी येथील सकाळचा पाणीपुरवठा)
तरी या भागांमधील नागरिकांनी पाणी जपून वापरावे, असे आवाहन मुंबई महापालिकेद्वारे करण्यात आले आहे.
