‘ट्राय’ म्हणजेच भारतीय दूरसंचार नियामक प्राधिकरणाने 27.09.2023 रोजी दूरसंचार मोबाईल नंबर पोर्टेबिलिटी (नववी सुधारणा) नियमन, 2023 मसुदा जारी केला. या मसुदा नियमनांवर संबंधितांकडून लेखी टिप्पण्या प्राप्त करण्याची अंतिम तारीख 25.10.2023 ही निश्चित करण्यात आली होती. मात्र टिप्पण्या सादर करण्यासाठी मुदत वाढवण्याची उद्योग संघटनेची विनंती लक्षात घेऊन, लेखी टिप्पण्या सादर करण्याची अंतिम मुदत दि. 08.11.2023पर्यंत वाढवण्याचा निर्णय घेण्यात आला आहे.
टिप्पण्या, भारतीय दूरसंचार नियामक प्राधिकरणाचे सल्लागार (नेटवर्क, स्पेक्ट्रम आणि परवाना) अखिलेश कुमार त्रिवेदी यांच्याकडे शक्यतो इलेक्ट्रॉनिक स्वरूपात advmn@trai.gov.in. वर पाठवाव्यात. कोणतेही स्पष्टीकरण/माहिती, यासाठी अखिलेश कुमार त्रिवेदी, सल्लागार (नेटवर्क, स्पेक्ट्रम आणि परवाना), ट्राय यांच्याशी दूरध्वनी क्रमांक +91-11-23210481 वर संपर्क साधता येऊ शकेल.
