Tag: YB Chavan Center

मुंबईतल्या यशवंतराव चव्हाण प्रतिष्ठानच्या रंगस्वर विभागाच्या वतीने `उमगलेले गांधी' हा अभिवाचनाचा कार्यक्रम उद्या म्हणजेच शनिवार दि. ३० जानेवारी २०२१ या दिवशी सायंकाळी साडेसहा वाजता रंगस्वर सभागृहात होणार आहे. रोहिणी हट्टंगडी, चंद्रकांत कुलकर्णी, धनश्री करमरकर, दीपक राजाध्यक्ष यांचा यात सहभाग आहे. यासाठी प्रवेश विनामूल्य आहे. महात्मा गांधी यांच्या पुण्यतिथीचे औचित्य साधून होत असलेल्या या कार्यक्रमाची संकल्पना दीपक राजाध्यक्ष यांची असून उन्मेष अमृते यांनी कार्यक्रमाचे संपादन केले आहे. आविष्कार संस्थेची निर्मिती असलेल्या या कार्यक्रमाचे सूत्रधार अरुण काकडे आहेत. रसिकांनी या कार्यक्रमात सहभागी व्हावे, असे आवाहन आयोजकांच्या वतीने करण्यात आले आहे.