Tag: RSS

स्वामी विवेकानंद यांनी प्रतिपादन केले होते की, "वेदांत आणि विज्ञान झोपडीझोपडीपर्यंत पोहोचविल्याशिवाय या देशातील दरिद्रीनारायणाचा नवकोट नारायण होणार नाही." त्यांचे हे स्वप्न राष्ट्रीय स्वयंसेवक संघाने साकार केले. २७ सप्टेंबर १९२५ रोजी विजयादशमीच्या मुहूर्तावर डॉ. केशव बळीराम हेडगेवार यांनी राष्ट्रीय स्वयंसेवक संघाची स्थापना केली आणि आधुनिक भारताच्या इतिहासात एक नवे सोनेरी पान लिहिले गेले. डॉ. हेडगेवार हे केवळ वैद्यकीय व्यवसायातील तज्ज्ञ होते असे नाही तर त्यांना प्रथमश्रेणीचे समाजशास्त्रज्ञ असेही म्हटले पाहिजे. हिंदू समाजातील गुणदोषांचे वस्तुनिष्ठ आकलन करून या विराट समाजपुरुषातील चैतन्य जागृत करण्यासाठी त्यांनी राष्ट्रीय स्वयंसेवक संघ, हे अखिल भारतीय संघटन...