Tag: PUC

केंद्रीय रस्ते वाहतूक अणि महामार्ग मंत्रालयाने, केंद्रीय मोटार वाहन अधिनियमांतर्गत देशभरात एकाच सामाईक पद्धतीने पीयूसी म्हणजेच प्रदूषण नियंत्रणात असल्याविषयीचे प्रमाणपत्र जारी करण्याबाबतची अधिसूचना नुकतीच जारी केली आहे. प्रदूषण नियंत्रणाखाली असल्याच्या प्रमाणपत्राची (PUCC) ठळक वैशिष्ट्ये खालीलप्रमाणे: (a) देशभरात एक सामाईक पियूसी प्रमाणपत्र जारी करण्याच्या पद्धतीची सुरुवात आणि पीयुसी डेटाबेस राष्ट्रीय नोंदणीपटाशी संलग्न करणे. (b) पहिल्यांदाच यात रिजेक्शन स्लीप म्हणजे प्रमाणपत्र नामंजूर करण्याची व्यवस्था देण्यात आली आहे. यासाठीचा एक सामाईक फॉरमॅट देण्यात आला असून चाचणीसाठी आलेले वाहन उत्सर्जनाच्या प्रदूषणविषयक नियमांची पूर्तता करत नसेल, तर वाहनमालकाला पीयूसी देण्यास नकार दिला जाईल. हे नामंजूर पत्र, वाहनधारक वाहनसेवा केंद्रात दाखवू शकेल. तिथे वाहनाची सर्विसिंग करुन...