Tag: Karnataka

भारतीय जनता पक्षाच्या दक्षिण विजयाची कहाणी बुकनाकेरी सिद्धलिंगप्पा येडियुरप्पा यांच्या राजकारणातली वाढत्या महत्त्वाबरोबरच सुरू होते. कर्नाटकात त्यांनी भाजपाचा ध्वज उंच धरला आणि पक्षाला दक्षिणेतही स्थान मिळू शकते हे भाजपाला दाखवता आले. आता त्यांच्या जागी भाजपाने जनता दलातून आलेल्या एका नेत्याला, बसवराज बोम्मई यांना मुख्यमंत्रीपदी बसवले आहे. दुसऱ्या पक्षातून आलेल्या नेत्यांना असे उच्चपद मिळण्याची भाजपातील ही पहिलीच वेळ असावी. येडियुरप्पा यांनी राष्ट्रीय स्वयंसेवक संघ आणि जनसंघापासून कामाची सुरूवात केली होती आणि गावच्या नगराध्यक्षपदापासून कर्नाटक राज्याचे चार वेळा मुख्यमंत्री होण्याचाही मान मिळवला होता. कर्नाटकातील राजकारणात सर्वाधिक ताकद राखून असणाऱ्या लिंगायत समाजाचे प्रमुख...