Tag: Bus

आज मध्यरात्रीपासून महाराष्ट्रातल्या एसटीचा प्रवास महागणार आहे. हकिम समितीने निश्चित केलेल्या सूत्रानुसार महाराष्ट्र राज्य मार्ग परिवहन महामंडळाच्या म्हणजेच एसटीच्या टप्पा वाहतूक सेवांच्या भाडेदरामध्ये १४.९५ टक्के वाढ करण्यास राज्य परिवहन प्राधिकरणाने मान्यता दिली आहे. ही भाडेवाढ आजपासून अंमलात येत आहे. डिझेल, चेसीस, टायर या घटकांच्या किंमतीत बदल झाल्यामुळे तसेच महागाईभत्त्यात वाढ झाल्यामुळे २६ ऑक्टोबर २०२१ नंतर पहिल्यांदाच एसटीच्या प्रवासी भाडेदरात वाढ करण्यात आली आहे. राज्य परिवहन प्राधिकरणाची २७६वी बैठक अपर मुख्य सचिव, गृह विभाग (परिवहन) तथा अध्यक्ष, राज्य परिवहन प्राधिकरण संजय सेठी यांच्या अध्यक्षतेखाली २३ जानेवारीला झाली. या बैठकीत राज्य परिवहन प्राधिकरणाचे सदस्य अपर पोलीस महासंचालक (वाहतूक)...