Sunday, June 23, 2024
Homeपब्लिक फिगरसुनेत्रावहिनींनी घेतली परशुराम...

सुनेत्रावहिनींनी घेतली परशुराम मोडक यांची भेट

महायुतीच्या (राष्ट्रवादी काँग्रेस) बारामती लोकसभा मतदारसंघाच्या उमेदवार सुनेत्रा पवार यांनी काल पुरंदर हवेली विधानसभा मतदारसंघात पंडित परशुराम मोडक यांच्या वडकी येथील भाजपा जनसंपर्क कार्यालयास सदिच्छा भेट दिली.

वर्षभर विविध सामाजिक उपक्रम राबवणारे मोडक सरसेनापती हंबीरराव मोहिते गोरक्षक दलाच्या माध्यमातून ३४५ देशी गाई व गोवंशाचा सांभाळ करत आहेत. गाडा मालक म्हणून प्रसिद्ध असलेल्या मोडक यांच्याकडे शर्यतीचे २ बैलजोड असून त्यांच्या बैलांनी अनेक शर्यती जिंकल्या आहेत. पाच दिवसांपूर्वीच पुरंदर तालुक्यातील नायगाव येथे यात्रेनिमित्त आयोजित बैलगाडा शर्यतीला सुनेत्रावहिनींनी सदिच्छा भेट देऊन शुभेच्छा दिल्या होत्या. त्या स्पर्धेतही पहिला नंबर आल्याचे विवेक मोडक यांनी सांगितले.

यावेळी कल्पना मोडक, मोनिका मोडक, सई मोडक यांच्यासह मोडक कुटुंबीय, महायुतीचे पदाधिकारी उपस्थित होते. “घड्याळा”ला विजयी करण्याच्या मोहिमेत दोन पाऊले पुढेच राहणार असे सांगून त्यांनी महायुतीच्या विजयाची ग्वाही दिली.

देवाची उरळी परिसरात उत्साहात स्वागत

महायुतीच्या उमेदवार सुनेत्रा पवार यांच्या प्रचारदौऱ्याला काल पुरंदर हवेली दौऱ्याला देवाची उरळी परिसरातून सुरुवात झाली. भाजपच्या पदाधिकाऱ्यांनी देवाची उरळी येथे त्यांच्या कार्यालयात सुनेत्रावहिनींचे मोठ्या उत्साहात स्वागत केले. आम्ही सर्व महायुतीच्या सोबत असल्याचा विश्वास त्यांनी दिला.

धनगर समाजाच्या महिलांनी केला काठी आणि घोंगडी देऊन सत्कार

सुनेत्रावहिनींचा प्रचारदौरा पुरंदर हवेली परिसरातील देवाची उरळी येथे सुरू असताना एका धनगर वस्तीवर प्रचारासाठी गेल्या असता धनगर महिला भगिनींनी त्यांचे मोठ्या उत्साहात स्वागत करत बाळूमामा यांच्या मंदिरात काठी आणि घोंगडी देऊन सत्कार केला. यावेळी महिलांनी आपल्या पाण्यासंदर्भात व इतर अडचणी त्यांना सांगितल्या. या व इतर अडचणीवर उपमुख्यमंत्री अजित पवार यांच्याशी चर्चा करून मार्ग काढण्याचा विश्वास सुनेत्रवहिनींनी दिला.

काळ भैरवनाथ मंदिरातही झाले भव्य स्वागत

सुनेत्रावहिनींनी याच दौऱ्यात असताना उरळी देवाची येथील जागृत काळभैरवनाथ मंदिराला भेट दिली. यावेळी उरळी देवाची ग्रामस्थांनी मोठ्या उत्साहात त्यांचे स्वागत केले. सुनेत्रावहिनींनी काळभैरवनाथाचे दर्शन घेऊन बारामती लोकसभा मतदारसंघातील जनसामान्याची प्रश्न आणि अडचणी मार्गी लावण्याची ताकद मला दे, असे मागणे मागितले.

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!