येत्या एक जानेवारीला नववर्ष साजरे करण्यासाठी भक्तांच्या सोयीसाठी मुंबईतल्या प्रभादेवीच्या श्री सिद्धिविनायक गणपती मंदिर न्यासाने मंदिराच्या श्री दर्शन तसेच इतर कार्यक्रमांची विशेष आखणी केली आहे.
यानुसार, पहाटे सव्वातीन ते सव्वापाचपर्यंत श्रींचे दर्शन भाविकांसाठी उपलब्ध राहील. साडेपाच वाजता श्री गणरायाची आरती सुरू होईल. सहा वाजता श्रींच्या दर्शन पुन्हा सुरू होईल. सकाळी 11 वाजून 55 मिनिटांपर्यंत हे दर्शन सुरू राहील. दुपारी 12 वाजून 05 मिनिटांनी श्रींचा नैवेद्य ठेवला जाईल. साडेबारा वाजता श्रींच्या दर्शनाला पुन्हा सुरुवात होईल. हे दर्शन संध्याकाळी सात वाजेपर्यंत चालेल.
सायंकाळी सात वाजता धुपारती सुरू होईल. ती सात वाजून दहा मिनिटापर्यंत चालेल. साडेसात वाजता श्रींची आरती सुरू होईल. ती आठ वाजेपर्यंत चालेल. रात्री आठ ते साडेअकरा वाजेपर्यंत पुन्हा श्रींचे दर्शन भाविकांना घेता येईल. अकरा वाजून पन्नास मिनिटांना शेजारती सुरू होईल. त्यानंतर मंदिर बंद होईल, असे न्यासाने स्पष्ट केले आहे.
श्रींच्या दर्शनासाठी येणाऱ्या भाविकांना पूर्वीप्रमाणे म्हणजेच क्यू आर कोडशिवाय श्रींचे दर्शन घेता येईल. रात्री साडेअकरा वाजता दोन्ही चेक पोस्ट दर मंगळवारप्रमाणे बंद करण्यात येतील. या दिवशी दर्शनासाठी मोठ्या प्रमाणात भाविक येण्याची शक्यता असल्यामुळे रांगेची विशेष व्यवस्था करण्यात आलेली आहे, तरी भाविकांनी सहकार्य करावे, असे आवाहनही श्री सिद्धिविनायक गणपती मंदिर न्यासाने केले आहे.
