पंतप्रधान नरेंद्र मोदी यांनी आजपासून हर घर तिरंगा, या भारतीय जनता पार्टीच्या अभियानाला सुरवात केली. याकरीता त्यांनी आज सकाळीच आपल्या एक्स, या समाजमाध्यमावर असलेला प्रोफाईल फोटो बदलत तेथे तिरंग्याचा फोटो लावला आहे.
त्याबरोबरच पंतप्रधान मोदींनी जनतेला तिरंग्यासह आपला फोटो एक्सवर ट्विट करण्याचे आवाहनही समाजमाध्यमांवरील नेटकऱ्यांना केले आहे. गेल्या वर्षीही पंतप्रधान नरेंद्र मोदींनी अशाच आशयाचे ट्विट केले होते.
आज ९ ऑगस्ट, या क्रांतीदिनापासून १५ ऑगस्ट, या स्वातंत्र्यदिनापर्यंत ङर घर तिरंगा अभियानाची घोषणा भाजपाने केली आहे. महाराष्ट्रात तर राज्य सरकारनेच आजपासून हर घर तिरंगा अभियान हाती घेतले असून या अंतर्गत सरकारने राज्यातल्या अडीच कोटी घरांवर तिरंगा फडकविण्याचे उद्दीष्ट ठेवले आहे.
