कुहू, या भारतातील अग्रगण्‍य ऑनलाईन स्‍टुडण्‍ट लोन व्‍यासपीठाने देशातील प्रमुख शैक्षणिक संस्‍था गॅल्‍गोटियास युनिव्‍हर्सिटीसोबत उल्‍लेखनीय सहयोगाची घोषणा नुकतीच केली. या सहयोगाचा कुहूचे प्रगत तंत्रज्ञान आणि लेंडर्सच्‍या (कर्जदाते) नेटवर्कचा फायदा घेत देशभरातील गॅल्‍गोटियास युनिव्‍ह‍िर्सिटी विद्यार्थ्‍यांना किफायतशीर आर्थिक पर्याय उपलब्‍ध करून देण्‍याचा त्यांचा प्रयत्न आहे.
कुहू शिक्षणाकरिता वित्तपुरवठा करणारी विश्‍वसनीय फॅसिलिटेटर म्हणून उदयास आले आहे, ज्यांच्याशी भारतातील ३००हून अधिक प्रतिष्ठित संस्‍थांसोबत सहयोग आहे. या सहयोगाच्‍या माध्‍यमातून गॅल्‍गोटियास युनिव्‍हर्सिटीचे विद्यार्थी अनेक फायद्यांचा आनंद घेऊ शकतील, ज्‍यामुळे कर्जसंपादन प्रक्रिया सुलभ व सुव्‍यवस्थित होईल. याचा मुख्य फायदा म्‍हणजे कुहूसह सिंगल ऑनलाईन अॅप्‍लिकेशनच्‍या माध्‍यमातून बँका व एनबीएफसी यासह १०हून अधिक लेंडर्सकडून कर्जउत्‍पादनांची व्‍यापक श्रेणी उपलब्‍ध होईल. हे एक-थांबा सोल्‍यूशन विद्यार्थ्‍यांना विविध पर्यायांचा शोध घेण्‍यासोबत त्‍यांची तुलना करण्‍यास तसेच व्‍याजदर, परतावा मुदत आणि कर्जाची रक्‍कम यानुसार सर्वोत्तम कर्जाची निवड करण्‍यास सक्षम करते.
कुहूचे प्रगत अल्‍गोरिदम्‍स विद्यार्थ्‍यांना वैयक्तिकृत लोन ऑफर्स देतील, ज्‍या त्‍यांच्‍या शैक्षणिक गरजा व आर्थिक स्थितींना अनुसरून असतील आणि सर्वोत्तम कर्ज अनुभवाची खात्री देतील. व्‍यासपीठाचे युजर-अनुकूल इंटरफेस आणि सुव्‍यवस्थित ऑनलाईन अर्जप्रक्रिया प्रशासकीय ताण मोठ्या प्रमाणात कमी करतील. डॉक्युमेंट सबमिशन आणि मान्‍यता प्रक्रियांमध्‍ये सुलभता आणतील.
कुहूचे संस्‍थापक व मुख्य कार्यकारी अधिकारी प्रशांत भोसले म्‍हणाले की, आम्‍हाला दर्जेदार शिक्षण सर्वांना उपलब्‍ध करून देण्‍याचा आमच्‍यासारखाच दृष्टिकोन असलेली प्रतिष्ठित संस्‍था गॅल्‍गोटियास युनिव्‍हर्सिटीसोबत सहयोग करण्‍याचा आनंद होत आहे. या सहयोगामधून भारतीय विद्यार्थ्‍यांना आर्थिक समस्‍यांबाबत चिंता न करता त्‍यांच्‍या आवडीचा कोर्स करण्‍यासाठी आवश्‍यक असलेले सर्वोत्तम स्‍टुडण्‍ट लोन्‍स प्रदान करत आत्‍मनिर्भर करण्‍याप्रती आमची अविरत कटिबद्धता दिसून येते.
