विविध वर्गातले विद्यार्थी परीक्षा देण्याच्या तयारीत असतानाच पंतप्रधान नरेंद्र मोदी यांनी लिहिलेल्या ‘एक्झाम वॉरीयर्स’ पुस्तकाच्या अद्ययावत आवृत्तीची घोषणा काल केली.
पंतप्रधान नरेंद्र मोदी यांनी ट्विट करत हे जाहीर केले. विद्यार्थी, पालक आणि शिक्षक यांच्याकडून आलेल्या मौल्यवान माहितीच्या समावेशाने एक्झाम वॉरीयर्सची नवी आवृत्ती समृद्ध झाली असल्याचे पंतप्रधान म्हणाले.
नवा जोडण्यात आलेला भाग विशेषतः पालक आणि शिक्षक यांच्या दृष्टीने मोलाचा आहे. आपले युवा परीक्षा देत असल्याने त्यांना मदत करूया. विद्यार्थ्यांच्या परीक्षांचा काळ सुरू झाला आहे, #ExamWarriorsची अद्ययावत आवृत्ती आता उपलब्ध आहे हे जाहीर करताना आपल्याला आनंद झाल्याचे पंतप्रधानांनी ट्विट संदेशांच्या मालिकेत म्हटले आहे.
या पुस्तकात नवे मंत्र आणि अनेक मनोरंजक बाबींचाही समावेश आहे. परीक्षेआधी तणावमुक्त असण्याची आवश्यकता या पुस्तकात अधोरेखित करण्यात आली आहे. कोणतेही दडपण न घेता परीक्षेची तयारी खेळीमेळीने कशी करावी? घरी बसून परीक्षेची तयारी करताना आपण काही मनोरंजक करू शकतो का? यावर उपाय आहे..
नमो ॲपवरचे #ExamWarriosचे नवे मोड्यूल. विद्यार्थी आणि शिक्षक यांच्यासाठी अनेक संवादात्मक बाबी यामध्ये आहेत. एक्झाम वॉरीयर्सची नवी आवृत्ती, विद्यार्थी, पालक आणि शिक्षक यांच्याकडून आलेल्या मौल्यवान माहितीच्या समावेशाने समृद्ध आहे. नव्याने जोडण्यात आलेला भाग विशेषतः पालक आणि शिक्षक यांच्या दृष्टीने मोलाचा आहे. परीक्षा देणाऱ्या आपल्या युवकांना मदत करूया! असे पंतप्रधानांनी म्हटले आहे.
