अंबरनाथ येथील प्रथितयश वकील शशिकला रेवणकर यांचे द्वितीय पुत्र मनोज रामकृष्ण रेवणकर यांचे हृदयविकाराच्या तीव्र झटक्याने बेळगाव मुक्कामी नुकतेच निधन झाले. ते ५० वर्षांचे होते. त्यांच्या पश्चात आई, पत्नी, दोन मुले, मोठे बंधू दीपक, वहिनी दीपा, पुतणे गौरव आणि यश असा परिवार आहे.
शशिकला रेवणकर आपल्या मोठ्या मुलाच्या कुटुंबासह अंबरनाथ येथे वास्तव्यास आहेत तर धाकटा मुलगा मनोज आपल्या परिवारासह बेळगाव येथे गेल्या अनेक वर्षांपासून राहात होता. सुवर्णकार म्हणून सोन्या-चांदीचे दागिने घडविण्याचे काम करीत होता. नुकताच मनोज याला हृदयविकाराचा तीव्र झटका आला आणि त्यातच त्याची प्राणज्योत मालवली.
पतीच्या निधनानंतर शशिकला रेवणकर यांनी आपले शिक्षण पूर्ण केले आणि वकिलीची सनद घेतली. दोन्ही मुलांना आपापल्या पायावर उभे केले. मोठा मुलगा दीपक इंजिनिअर तर धाकटा मनोज सुवर्णकार म्हणून नावारुपाला आले. गोरगरिबांना न्याय मिळवून देण्यासाठी त्या सातत्याने झटत असतानाच काळाने त्यांच्या धाकट्या मुलाला हिरावून नेले. बेळगावातच त्याचा मोठा भाऊ दीपक यानेच मनोजच्या पार्थिवावर अंत्यसंस्कार केले.
