महाराष्ट्र विधिमंडळाच्या पावसाळी अधिवेशनाचे कामकाज ठरल्यानुसार ४ ऑगस्टपर्यंत कामकाज सुरू राहणार असल्याचे विधान परिषदेच्या उपसभापती डॉ. नीलम गोऱ्हे यांनी सांगितले.
आज मुंबईत विधानभवनामध्ये कामकाज सल्लागार समितीची बैठक झाली. यावेळी उपसभापती डॉ. गोऱ्हे बोलत होत्या. यावेळी उपसभापती डॉ. नीलम गोऱ्हे म्हणाल्या की, विधिमंडळाच्या पावसाळी अधिवेशनाचे कामकाज ४ ऑगस्टपर्यंत सुरू राहणार आहे. दरम्यान, मुंबई येथील आझाद मैदानात गिरणी कामगारांचे आंदोलन सुरू आहे. त्याबाबत विधिमंडळात बैठक आयोजित करण्यात यावी अशी सूचना त्यांनी या बैठकीत केली.
या बैठकीत समितीने विचारविनिमय करून सभागृहाचे कामकाज पुढील प्रमाणे असावे असा निर्णय घेतला.
- शुक्रवार, दिनांक २८ जुलै, २०२३ रोजी शासकीय कामकाज व अशासकीय कामकाज (विधेयके) होईल.
- शनिवार, दिनांक २९ जुलै, २०२३ (शासकीय सुट्टी)
- रविवार, दिनांक ३० जुलै, २०२३ (शासकीय सुट्टी)
- सोमवार, दिनांक ३१ जुलै, २०२३ (सभागृहाची बैठक होणार नाही.)
- मंगळवार, दिनांक १ ऑगस्ट, २०२३ (पंतप्रधान महोदयांचा पुणे दौरा असल्याने) सभागृहाची बैठक होणार नाही.
- बुधवार, दिनांक २ ऑगस्ट, २०२३, शासकीय कामकाज
- गुरुवार, दिनांक ३ ऑगस्ट, २०२३ रोजी शासकीयक कामकाज, विरोधी पक्षाचा प्रस्ताव (अंतिम आठवडा प्रस्ताव)
- शुक्रवार, दिनांक ४ ऑगस्ट, २०२३, शासकीय कामकाज, अशासकीय कामकाज (ठराव).
