मुंबई महापालिकेच्या जोगेश्वरी विधानसभा क्षेत्रातील माजी नगरसेविका व शिवसेनेच्या उपविभाग संघटक मंजिरी गुरूनाथ परब यांचे बुधवारी अल्पशा आजाराने निधन झाले.
त्या २०१२ ते २०१७पर्यंत नगरसेविका म्हणून होत्या. शिवसेनेमध्ये उपशाखाप्रमुख पदापासून ते शाखाप्रमुख, नगरसेविका आणि सध्या उपविभाग संघटक या पदावर त्या कार्यरत होत्या. जवळजवळ १६ वर्षं त्या शाखाप्रमुख होत्या. त्यांच्या जाण्याने जोगेश्वरीमधील जनतेमध्ये हळहळ व्यक्त होत आहे. महिलांचं संघटन आणि जनतेमध्ये तळागाळातील लोकांना नेहमी सहकार्याच्या भावनेने मदत करून पक्ष बांधणीसाठीदेखील त्या अग्रेसर होत्या.
