मुंबईतल्या दादर माटुंगा सांस्कृतिक केंद्राच्या वतीने कै. य. वि. भातखंडे यांच्या वतीने पुरस्कृत पं. भातखंडे संगीत सभा आयोजित करण्यात आली आहे. या सभेत येत्या रविवारी, ५ जानेवारीला सायंकाळी ५ वाजता जयपूरच्या अत्रौली घराण्याच्या गायिका शाल्मली जोशी यांचे गायन होणार आहे.
त्यांना तबल्यावर तेजोवृष जोशी आणि संवादिनीवर सिद्धेश बिचोलकर साथ करणार आहेत. संस्थेच्या वा. वा. गोरवले सभागृहात हा कार्यक्रम होणार आहे. या कार्यक्रमासाठी प्रवेश विनामूल्य असून रसिक श्रोत्यांनी त्याचा आनंद घ्यावा, असे आवाहन केंद्राच्या वतीने करण्यात आले आहे.
