बृहन्मुंबई महानगरपालिकेच्या एस विभागातर्फे पवई येथील ‘पंडित दिन दयाल उपाध्याय उद्यान तथा अँम्ब्रोशिया गार्डन’ येथे आज आणि उद्या म्हणजेच दिनांक 24 व 25 फेब्रुवारी 2024 रोजी ‘नॅशनल सेंटर ऑफ परफॉर्मिंग आर्ट्स’ यांच्यामार्फत ‘एनसीपीए ॲट द पार्क’ हा संगीत महोत्सव आयोजित करण्यात येत आहे. संध्याकाळी सहा वाजता होणारा हा कार्यक्रम सर्वांनाच मोफत उपलब्ध आहे. “बुक माय शो” येथे याकरीता नोंदणी उपलब्ध आहे.
कार्यक्रमासाठी मोफत पार्किंग उपलब्ध आहे. बृहन्मुंबई महानगर पालिकेच्या उद्यान विभागामार्फत त्यांच्या अखत्यारित असलेल्या भूखंडांमध्ये नेहमीच वेगवेगळे स्तुत्य उपक्रम राबविण्यात येतात. याचाच एक भाग म्हणून व नागरिकांचा उद्यानातील वावर वाढवा व नवोदित कलाकारांना एक हक्काचा मंच मिळावा यासाठी निसर्गाच्या सानिध्यात संध्याकाळी 6 वाजता हा संगीतमय कार्यक्रम आयोजित करण्यात येत आहे, अशी माहिती उद्यान विभागाचे प्रमुख, उद्यान अधीक्षक जितेन्द्र परदेशी यांनी दिली.
