केंद्रीय निवडणूक आयोगाने शिवसेना हे नाव आणि त्याचे चिन्ह शिवसेनेच्या मुख्यमंत्री एकनाथ शिंदे यांच्या गटाला दिल्यानंतर पूर्वीच्या शिवसेनेचे पक्षप्रमुख उद्धव ठाकरे यांच्या पक्षाला आजतागायत अधिकृतरित्या नाव तसेच चिन्ह मिळालेले नाही. तात्पुरती सोय म्हणून त्यांना शिवसेना (उद्धव बाळासाहेब ठाकरे) असे नाव देण्यात आले होते. आणि मशाल हे चिन्ह. परंतु आजही उद्धव ठाकरे यांच्या पक्षाकडून आपलाच पक्ष खरी शिवसेना असल्याचा दावा करत आहे जो आजही सर्वोच्च न्यायालयात प्रलंबित आहे.
आझाद मैदानात आपल्या पक्षाचा दसरा मेळावा घेण्याची घोषणा केल्यानंतर शिवसेनेचे प्रमुख मुख्यमंत्री एकनाथ शिंदे यांनी दोन दिवसांपूर्वीच मेळाव्याचा टीझर जारी केला होता. त्याला प्रत्त्युत्तर देताना शिवसेनेच्या उद्धव ठाकरे यांच्या गटाकडूनही त्यांच्या वतीने शिवाजीपार्कवर घेण्यात येणाऱ्या दसरा मेळाव्याचा टीझर जारी करण्यात आला आहे.
