मुंबई उच्च न्यायालयाने आज संध्याकाळी प्रसिद्ध अभिनेते शाहरूख खान यांचा मुलगा आर्यन खान याला जामीन मंजूर केला. क्रूझवरील ड्रग्ज प्रकरणात गेल्या २५ दिवसांपासून आर्यन खान तुरूंगाची हवा खात आहे. त्याला जामीन मंजूर होताच आर्यन खानचे वकील मुकुल रोहतगी, सतीश मानेशिंदे तसेच वकिलांच्या ताफ्यातल्या इतर वकिलांनी थेट शारहरूख खानचा मुंबईतल्या मन्नत, या बंगल्याकडे धाव घेतली. त्याचवेळी शाहरूख खान याच्या या बंगल्याबाहेर चाहत्यांनी जल्लोष सुरू केला.
