Homeपब्लिक फिगरचेंबूरच्या आंबेडकर उद्यानात...

चेंबूरच्या आंबेडकर उद्यानात लवकरच तेवत राहणार अखंड भीमज्योत

भारतरत्न डॉ. बाबासाहेब आंबेडकर यांच्या विचारांची प्रेरणा देणारी अखंड भीमज्योत मुंबईत चेंबूरच्या भारतरत्न डॉ. आंबेडकर उद्यानात लवकरच उभारली जाणार आहे. आंबेडकरी अनुयायांच्या मागणीनुसार खासदार राहुल शेवाळे यांनी केलेल्या पाठपुराव्याला यश येणार असून ही भीमज्योत डॉ. आंबेडकर यांच्या विचारांची प्रेरणा देत राहील.

चेंबूर येथील भारतरत्न डॉ. बाबासाहेब आंबेडकर उद्यान परिसरात दरवर्षी मोठ्या उत्साहात महामानवाची जयंती साजरी केली जाते. राज्यभरातून मोठ्या संख्येने अनुयायी चेंबूर येथे भारतरत्न डॉ. बाबासाहेब आंबेडकरांच्या पुतळ्याला अभिवादन करण्यासाठी येतात. याठिकाणी भीमज्योत उभारावी, अशी मागणी काही महिन्यांपासून केली जात होती. खासदार शेवाळे यांनी याबाबत पाठपुरावा करून आवश्यक त्या परवानग्या प्राप्त करून घेतल्या होत्या. आता लवकरच चेंबूरमध्ये ही अखंड भीमज्योत उभारली जाणार आहे. त्यामुळे पुढच्या वर्षीच्या आंबेडकर जयंतीला या उद्यानात बाबासाहेबांच्या विचारांची प्रेरणा देणारी अखंड भीमज्योत हे नवे आकर्षण असणार आहे.

अशोक स्तंभ आणि भीमज्योत

चेंबूरचे भारतरत्न डॉ. बाबासाहेब आंबेडकर उद्यान आंबेडकरी अनुयायांसाठी आस्थेचे ठिकाण आहे. याठिकाणी आंबेडकरी अनुयायांच्या मागणीनुसार गेल्या वर्षी शेवाळे यांच्या पाठपुराव्याने अशोक स्तंभ उभारण्यात आला. आता लवकरच इथे भीमज्योतदेखील उभारली जाणार आहे.

Continue reading

पुण्यात मेट्रोच्या दुसऱ्या टप्प्याला मोदी सरकारची मंजुरी!

पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने काल दिल्लीत झालेल्या एका बैठकीत पुणे मेट्रो रेल्वे प्रकल्पाच्या दुसऱ्या टप्प्याच्या अंतर्गत मार्गिका क्र. 4 (खराडी-हडपसर-स्वारगेट-खडकवासला) आणि मार्गिका क्र. 4 ए (नळ स्टॉप-वारजे-माणिक बाग) यांच्या कार्याला मंजुरी दिली. या प्रकल्पातील मार्गिका क्र....

ठाण्यात २ ते ४ डिसेंबरमध्ये रंगणार विभागीय खो-खोचा महासंग्राम

महाराष्ट्र खो-खो असोसिएशनच्या मान्यतेने आणि दी युनायटेड स्पोर्ट्स क्लब, ठाणे यांच्या आयोजनाखाली, श्री दत्त जयंती उत्सवानिमित्त जे. पी. कोळी यांच्या स्मरणार्थ निमंत्रित विभागीय पुरुष व महिला खो-खो स्पर्धेचे आयोजन येत्या २ ते ४ डिसेंबरदरम्यान ठाण्यातल्या युनायटेड स्पोर्ट्स क्लबच्या मैदानावर...

एकीकृत पेन्शन योजनेच्या पर्यायासाठी उरले फक्त ४ दिवस

केंद्र सरकारच्या अर्थ मंत्रालयाने 24 जानेवारी 2025. रोजी काढलेल्या परिपत्रकाद्वारे (एफएक्स-1/3/2024-पीआर) पात्र केंद्र सरकारी कर्मचाऱ्यांसाठी एकीकृत पेन्शन योजना स्वीकारण्याच्या पर्यायाबाबत (यूपीएस) अधिसूचित केले आहे. यासाठी पात्र कर्मचारी आणि एनपीएस सदस्यांना सीआरए प्रणालीद्वारे किंवा प्रत्यक्ष अर्जाद्वारे नोडल अधिकाऱ्यांकडे विनंती दाखल...
Skip to content