मुंबई उच्च न्यायालयातील वकील ॲड. मितांशु पुरंदरे यांची मुंबई भारतीय जनता पक्षाच्या (भाजप) लीगल सेलचे सरचिटणीस म्हणून नुकतीच नियुक्ती करण्यात आली. मुंबई भाजपचे अध्यक्ष अमित साटम यांनी एका शानदार कार्यक्रमात ॲड. मितांशु पुरंदरे यांना याबाबतचे नियुक्तीपत्र प्रदान केले.
ॲड. अमितकुमार मेहता या लीगल सेलचे अध्यक्ष आहेत. त्यांनी पुष्पगुच्छ देऊन ॲड. मितांशु पुरंदरे यांचे स्वागत केले. यावेळी मितांशु यांचे वडिल, ज्येष्ठ पत्रकार राजेश पुरंदरे, आई, प्रथितयश डॉक्टर स्नेहा पुरंदरे, मुंबई भाजपच्या प्रवक्त्या श्वेता परुळकर, ॲड. अनिकेत निकम आदी मान्यवर उपस्थित होते. ॲड. मितांशु पुरंदरे यांनी वकिलीची पदवी प्राप्त केल्यानंतर ज्येष्ठ कायदेतज्ज्ञ खासदार ॲड. उज्ज्वल निकम यांच्या मार्गदर्शनाखाली कायद्याचा अधिकाधिक अभ्यास केला. ॲड. अनिकेत उज्ज्वल निकम यांनी सातत्याने त्यांना आवश्यक ते सहकार्य केले आहे.
