मुंबईत आपले कर्तृत्त्व गाजविणाऱ्या मराठवाड्यातील औरंगाबादच्या रणरागिणी डॉ. प्रा. उज्ज्वला जाधव यांची भारतीय जनता पक्ष अनुसूचित मोर्चाच्या राष्ट्रीय कार्यकारिणीवर विशेष निमंत्रित म्हणून नियुक्ती करण्यात आली आहे.
उच्च विद्याविभूषित अशा डॉ. प्रा. उज्ज्वला जाधव यांनी भारिप बहुजन महासंघाच्या प्रदेश प्रवक्त्या म्हणून यापूर्वी कार्य केले आहे. प्रकाश आंबेडकर यांच्या नेतृत्त्वाखाली पक्षबांधणी करता करता डॉ. प्रा. जाधव यांनी पंतप्रधान नरेंद्र मोदी यांच्या नेतृत्त्वावर विश्वास व्यक्त करुन भाजपचे सदस्यत्व स्वीकारले. परंतु गेल्या काही वर्षांपासून त्यांच्याकडे पक्षाने कोणतीही विशेष जबाबदारी सोपविली नव्हती.
पण, धीरज का फल मीठा होता है, या न्यायाने त्यांनी आपले कार्य चालूच ठेवले. परिणामी, भाजपने आता डॉ. प्रा. उज्ज्वला जाधव यांच्या कार्यकर्तृत्त्वाला साजेशी राष्ट्रीय पातळीवर अनुसूचित मोर्चाच्या कार्यकारिणीवर विशेष निमंत्रित म्हणून नेमणूक केल्यामुळे महाराष्ट्रातील भाजपच्या महिलांना विशेषतः मागासवर्गीय बांधव आणि भगिनींना उज्ज्वल भवितव्य प्राप्त करुन देण्यासाठी डॉ. प्रा. उज्ज्वला जाधव प्रयत्नशील राहतील, अशी अपेक्षा व्यक्त करण्यात येत आहे.
