११ मार्च २०२४ रोजी रिलीज झालेला, आमिर खान प्रोडक्शन प्रॉडक्शनची निर्मिती असलेला आणि किरण रावने अतिशय संवेदनशीलतेने दिग्दर्शित केलेला ‘लापता लेडीज’ या खुशखुशीत विनोदाची पेरणी असलेल्या सिनेमातली फुलकुमारी नीतांशी गोयल, या ५ फूट उंचीच्या अभिनेत्रीला सध्या ७ बाऊंसर्सचे सुरक्षाकवच आहे.
हा चित्रपट ऑस्करसाठीदेखील नामांकित झाला होता. याच सिनेमात ‘फुलकुमारी’ ही व्यक्तिरेखा साकारलेली नवोदित अभिनेत्री नीतांशी गोयल अवघी १७ वर्षांची आहे आणि कोवळ्या वयातला तिचा अभिनय परिपक्व करणारा होता हे जाणवले. नितांशीचा पुढील चित्रपट होता ‘मैदान’. पण मैदान सिनेमा मैदान गाजवू शकला नाही. तरीही नीतांशीचा पहिल्याच सिनेमातील यश तिच्यासोबत कायम राहिलंय. अनेक एंडोर्समेंट तिच्या वाट्याला येत आहेत. आयुर्वेदिक नीम अर्थात कडुलिंबाबाच्या प्रोडक्ट्साठी तिची नियुक्ती झाली.
नीतांशीसोबत किती बाऊंसर्स असावेत असे तुम्हाला वाटते? धिप्पाड असे ७ बाऊंसर्स नीतांशीच्या सभोवती कडे करून होते आणि जेमतेम ५ फूट उंची आणि किरकोळ देहयष्टी असलेली नीतांशी या बाऊंसर्सच्या सुरक्षाकड्यामुळे दिसेनाशी झाली! एका सिनेमाचे यश आणि त्यासाठी फिल्मी कलाकारांना मिळणारी इतकी कडेकोट सुरक्षाव्यवस्था, यामुळेच अनावश्यक स्टारडम वाढते!
