Friday, July 12, 2024
Homeटॉप स्टोरीलोकसभा सभापतीपदी ओम...

लोकसभा सभापतीपदी ओम बिर्ला बिनविरोध?

लोकसभेच्या सभापतीसाठी आज सकाळी ११ वाजता निवडणूक होत असली तरी प्रत्यक्षात ही निवडणूक बिनविरोध होण्याचीच शक्यता जास्त आहे. या निवडणुकीत ऐनवेळी विरोधी पक्षांचे म्हणजेच काँग्रेसप्रणित इंडिया आघाडीचे उमेदवार काहीतरी कारण उभे करून माघार घेतील आणि निवडणूक बिनविरोध करतील किंवा विरोधक निवडणुकीवर बहिष्कार घालून निवडणूक एकतर्फी करतील, अशी शक्यता वर्तवली जात आहे. निवडणूक झालीच तर ती तब्बल २६ वर्षांनंतर होईल. निवडणूक झाली किंवा नाही एनडीएचे उमेदवार ओम बिर्लाच सभापती होतील, हे निश्चित.

सभापतीपदासाठी निवडणूक बिनविरोध व्हावी याकरीता गेले दोन दिवस प्रयत्न सुरू होते. मात्र, लोकसभेच्या उपसभापतीसाठी विरोधकांनी आपला उमेदवार असावा असा हट्ट धरला. सत्ताधाऱ्यांकडून तशी तयारीही दाखवण्यात आली. परंतु विरोधकांनी सरकारी पक्षांवर अविश्वास दाखवत उपसभापतीपदाची निवडणूक आधी घेण्याचा आग्रह धरला जो सत्ताधाऱ्यांकडून धुडकावण्यात आला. पर्यायाने निवडणूक बिनविरोध करण्याचा सत्ताधाऱ्यांचा प्रयत्न फसला आणि सत्ताधाऱ्यांनी भारतीय जनता पार्टीचे ज्येष्ठ सदस्य व मावळत्या लोकसभेचे सभापती ओम बिर्ला यांना पुन्हा सभापतीपदाचा उमेदवार म्हणून घोषित केले. एनडीएच्या वतीने बिर्ला यांनी काल आपले नामांकनही दाखल केले. त्यापाठोपाठ काँग्रेसकडून के. सुरेश यांनी सभापतीपदाकरीता आपले नामांकन दाखल केले. विरोधी इंडिया आघाडीकडून ते सभापतीपदाचे उमेदवार आहेत.

६१ वर्षीय ओम बिर्ला राजस्थानच्या कोटा मतदारसंघाचे खासदार आहेत. याच भागातून ते २००३ सालापासून २०१४ सालापर्यंत राजस्थान विधानसभेचे भाजपाचे सदस्य होते. के. सुरेश तथा कोडीकुन्निल सुरेश केरळ काँग्रेसचे प्रभारी अध्यक्ष आहेत. काँग्रेसकडून थिरूवअनंतपूरम लोकसभा मतदारसंघातून ते १९८९ ते १९९७ आणि १९९९ ते २००४ या काळात ते लोकसभेचे सदस्य होते. आताही ते याच मतदारसंघाचे लोकसभेचे प्रतिनिधीत्व करतात.

भाजपाप्रणित एनडीएचे २९३ सदस्य असून काँग्रेसप्रणित इंडिया आघाडीचे २३७ सदस्य आहेत. इतर व अपक्ष असे १३ सदस्य आहेत. लोकसभेत सध्या अपक्षांच्या पाठिंब्यासह सत्ताधारी एनडीएला ३०२ सदस्यांचा पाठिंबा आहे. सभापतीपदासाठी मतदान झाले तर सत्ताधाऱ्यांकडून विरोधी इंडिया आघाडीची मते फोडण्याचा सत्ताधारी पूर्ण प्रयत्न करेल. यात जर त्यांना यश आले तर या लोकसभेच्या पुढच्या पाच वर्षांत विरोधी आघाडी विस्कळीतच राहील आणि असे चित्र निर्माण होऊ द्यायचे नसेल तर झाकली मूठ सव्वा लाखाची.. याप्रमाणे विरोधक ऐनवेळी निवडणूक बिनविरोध करू शकतात, असे जाणकारांना वाटते.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!